पोखरा ।
पोखरा महानगरपालिका शिक्षा महाशाखाको आयोजनामा ५६ औं शिक्षा दिवसको अवसरमा महानगरस्तरीय वक्तृत्वकला प्रतियोगिता भएको छ । कार्यक्रममामा ३५ विद्यालयको सहभागिता थियो । त्रिभुवन शान्ती माविकी मन्जिता खड्का प्रथम ,मदरल्याण्ड माविकी दीक्षा भट्टराई द्वितीय, भानुभक्त आवासिय माविका निरज कार्की तृतिय, हेम्जा बोर्डिङ्ग स्कुलकी सोनिका पोखरेल सान्त्वना भए ।

जनप्रीय माविमा भएको कार्यक्रममा गण्डकी बहुप्राविधिक शिक्षालयका निर्देशक लक्ष्मण तिमिल्सिनाको विशेष उपस्थिती एवम जनप्रीय माविका प्रध्यानाध्यापक देवि प्रसाद बस्ताकोटिको अध्यक्षतामा भएको हो । कार्यक्रमको निर्णायकमा पोखरा महानगरपालिकाका शिक्षा अधिकृत जीवनप्रसाद रेग्मि, डिल्लिराम अर्याल र शिक्षिका सृजना पौडेलले थिए । कार्यक्रम सञ्चालन विन्धवासिनी माविका सहायक प्रअ भेषराज पौडेलले गरेका थिए ।

विजयी विद्यार्थीलाई २३ गते शिक्षा दिवसको अवसरमा पोखरा महानगरपालिकाले पोखरा सभागृहमा आयोजनाको गरेको शिक्षा दिवस विशेष कार्यक्रममा पुरस्कृत गरिने पोखरा महानगरपालिकाका शिक्षा अधिकृत जीवन प्रसाद रेग्मिले जानकारी दिए ।