जोमसोम–जापानमा मुस्ताङी एक युवाले एकल चित्रकला प्रर्दशनी गरेका छन् ।उपल्लो मुस्ताङको लोमान्थाङ–२ छोसेर निवासी चित्रकार छिरिङ फेन्जो गुरुङले मार्च १८ तारिखमा जापानको तोयोकावा सहरमा चौथो एकल चित्रकला प्रर्दशनी गरेका हुन् ।
ईन्टनेशनल वाटर कलर सोसाईटी अफ नेपालका अध्यक्ष एनबि गुरुङको पहलमा मुस्ताङी युवा चित्रकार छिरिङ फेन्जो गुरुङ एकल चित्रकला प्रर्दशनी गर्न जापान पुगेका थिए । जापान स्थित उपल्लो मुस्ताङीहरुको सामाजिक संस्था मुक्ति समाज समिति जापानको वार्षिकउत्सव समारोहमा चित्रकार फेन्जोको चौथो एकल चित्रकला प्रर्दशनी आयोजना गरिएको थियो । चित्रकार छिरिङ फेन्जोले जापानको तोयाकावा सहरमा चौथौ एकल चित्रकला प्रर्दशन सम्पन्न गरी बुधबार नेपाल फर्किएका छन् ।

मुस्ताङको जिवन्त धार्मिक, मौलिक कलासंस्कृतिलाई चित्रकारिताको माध्यमबाट जापानसम्म पू¥याउन ईन्टनेशनल वाटर कलर सासाईटी अफ नेपाल नामक संस्थाले चित्रकार फेन्जोलाई जापानमा आमन्त्रण गरेको थियो । चित्रकार गुरुङले त्यहा आफुले सृजना गरेका धार्मिक,कलासंस्कृति र मौलिकतालाई चित्रकारिताका माध्यमबाट त्यहाँ प्रस्तुत गरे ।उनी त्यहाँ आफ्नै खर्चमा गएका थिए । चित्रकला प्रर्दशनीमा मुक्ति समाजका जापानका अध्यक्ष नाक्टी गुरुङ,सोनाम ढुके र नोचुङ लगायतका एक दर्जन पदाधिकारी उपस्थित थिए ।

उपल्लो मुस्ताङका रोल मोडल युवा छिरिङ फेन्जो गुरुङको चौथो एकल चित्रकला प्रर्दशनको गैर आवासीय नेपाली संघ (जापान)का अध्यक्ष दिपक केशीले उद्घाटन गरेका थिए । उनले मुस्ताङको ऐतिहाँसिक,धार्मिक,मौलिक कलासंस्कृतिलाई चित्रकारिताको माध्यमबाट जापानसम्म उजागर गरिनु सह्रानीय पक्ष भएको बताए । चौथो एकल चित्रकला प्रर्दशनीमा चित्रकार फेन्जोले दुरदराजको हिमाली जिल्लाको कलासंस्कृतिलाई जापानमा आएर पस्कन पाउँदा आफु ज्यादै गौरान्वित भएको उल्लेख गरे ।उनले यसप्रकारको अवसर अन्य देशहरुमा पाउँने विश्वाश व्यक्त गरे ।

चित्रकला प्रर्दशनीका लागि जापान पुगेका मुस्ताङी युवा गुरुङको चित्रकारिता अवलोकन गर्न पाउँदा जापानीज नागरिकहरु पनि उत्साहित र खुसी भएका छन् ।सोही क्रममा चित्रकार गुरुङले जापान स्थित नेपाली राजदुत डा. दुर्गाबहादुर सुवेदी र डेपुटी चिफ अफ मिसन काउन्सिलीयर अमविक जोशीलाई टोकियोमा साक्षात्कार गरे । जापान स्थित नेपाली राजदुत डा.सुवेदीले उपल्लो मुस्ताङी रोल मोडल युवा चित्रकार गुरुङलाई सम्मान गरे । राजदुत सुवेदीले फेरी पनि यो खालको कार्यक्रम आयोजना गर्ने प्रतिवद्धता जनाए ।

चित्रकार गुरुङले यसअघि गृह जिल्ला मुस्ताङसहित नेपालमा ३ वटा एकल चित्रकला प्रर्दशन सम्पन्न गरिसकेका छन् ।उनले ३ वर्षअघि गण्डकी प्रदेश स्तरीय एकल चित्रकला प्रर्दशनी पोखरामा आयोजना गरेका थिए ।
आफ्नो जन्मथलो मुस्ताङको कलासस्कृतप्रति अगाध माया गर्ने चित्रकार गुरुङ संस्कृति संरक्षणमा युवाहरुको महत्वपूर्ण दायित्व रहने बताउँछन् । उनले आफुले तयार गरेका सृजना देश÷विदेशमा पू¥याउने दृढ लक्ष्य रहेको बताए ।‘यो मेरो विदेशमा गरिएको पहिलो एकल चित्रकला प्रर्दशनी हो, उनले भने,‘ यसरी नै अवसरमा पाएमा अन्य देशमा पनि एकल चित्रकला प्रर्दशनी गर्दै जाने योजना छ ।’
चित्रकार गुरुङ १६ वर्षको उमेर देखि नै चित्रकारितामा समर्पित छन् । चित्रकारिता र भित्ते लेखनको अभ्यास उनले गाउँमै सुरु गरेका थिए । तिब्बती कलासंस्कृतिको प्रभाव रहेको मुस्ताङमा उनले गुम्बा,छोर्तेन,माने,मठमन्दिर र जैविकलासंस्कृतिलाई चित्रकारिताको माध्यमबाट दृष्यमा उतार्न पोख्त छन् । उनी थान्का पेन्टिङमा पनि उत्तिकै दखल छन् ।बौद्ध दर्शनलाई सहजताका साथ व्याख्या गर्न सकिने सजिलो माध्यम हो ‘थान्का’ ।तिब्बती शब्दमा थान्काको शाब्दिक अर्थ हो अभिलेखिकरण गरिएको शब्द भन्ने बुझिन्छ । गुम्बाहरुमा यो अभिलेखिकरण गरिएको थान्का झुन्ड्याएर सजाउँने गरिन्छ ।
उनले मुस्ताङमा जिवन्त रहेका धार्मिक तथा मौलिक संस्कृति सम्पदाहरुको अभिलेख चित्रित थान्का,सास्कृतिक आर्ट र बौद्ध धर्म संस्कृति झल्किने भित्ते लेखनमा उनको चित्रकारिता केन्द्रित छ । उनको चित्रकारिता अवलोकन गर्नेले समग्र मुस्ताङको परिचय त्यहीबाट पाउँन सक्छन् । बदलिदो आधुनिकता र विदेश पलायन हुँने होटबाजीले मौलिकता विधामा रुचि राख्ने स्रष्टा हराउँदै जाने होकी भन्नेमा उनी चिन्तित छन् ।
चित्रकार गुरुङले कलिलै उमेरमा गाउँमै थान्का,चित्रकारिता र भित्ते लेखन जानिसकेका थिए ।उनले चिकात्सेकाम थान्का पेन्टर तेन्जिङ निङगोको काठमान्डौंको तेन्जिङ ईमे थान्का स्कुलबाट भर्ना भई एडभान्स चित्रकारिता शिक्षा लिएका थिए ।

अभुतपूर्व रुचि र दृढ ईच्छ्याशक्ति भएका चित्रकार गुरुङ चित्रकारित विधामा सतहीमा डुबुल्की मार्न चाहन्थे । दृष्य हेरेर आर्कषक चित्र कोर्ने,प्राकृतिक सुन्दरता नियालेर जस्ताको त्यस्तै हुबहु लैण्ड स्केप पेन्टिङ गर्न उनी खप्पिस छन् । उनले यो खालको तालिम काठमान्डौ बौद्ध स्थित पुस्प आले र रुपक राईबाट ३ वषाीय तालिम लिएका थिए । गुरुङले पुन्चोक टसी छोलिङ गुम्बामा भित्ते चित्रकारिता सिकेका थिए । उनको चित्रकारितामा समर्पित भएर काम गरेको २५ वर्ष पुरा भईसकेको छ ।

चित्रकार गुरुङले गुम्बा,मठमन्दिर र देवीदेवताहरुको मूर्ति सजावट र पेन्टिङ भर्न सिपालु छन् । उनले ईनडोर र आउटडोर,थान्का पेन्टिङ र फर्निचर लगायतका सामानमा आर्कषक बुट्टा भर्न सक्छन् । चित्रकार गुरुङले तयार गरेको चित्रकारितालाई मुस्ताङ आउँने विदेशी पर्यटकले औधि रुचाउछन् । उनले प्रतिचित्र ३० हजार देखि ७० हजार सम्ममा पर्यटकलाई बिक्री गर्ने गरेको बताउँछन् । उनले आफुले सृजना गरेको चित्रकारिता सामाग्री देश÷विदेशमा पस्कन पाउँदा खुसी हुँने गरेको बताउँछन् । उनले चित्रकारिताको माध्यमबाट मुस्ताङको मौलिकतालाई देश÷विदेशमा पू¥याउन पाउँदा हर्षित हुँने गरेको चित्रकारिताकै माध्यमबाट कलासाहित्य र संस्कृतिको संरक्षण हुँने बताए ।