पोखरा ।

माधव नेपाल नेतृत्वको पार्टी नेकपा एकिकृत समाजवादीले अब बन्न गैरहेको सरकारको आयु ४ महिनाको मात्रै भएको दावी गरेको छ ।

ससंदमा प्रधानमन्त्री पुष्पकमल दाहाल प्रचण्डले मागेको विश्वासको मत माथि बोल्दै नेकपा एसका नेता मेटमणि चौधरीले प्रचण्डलाई नआत्तिन आग्रह गरे । उनले अब बन्ने सरकारको आयु पनि ४ महिनाको मात्र भएको दावी गर्दै त्यसपछि फेरि सत्तामा फर्कने दावी गरे ।

कांग्रेस एमालेबीच नेकपा एमालेका नेता केपी शर्मा ओलीको नेतृत्वमा नयाँ सरकार बनाउने सहमति भैसकेको छ । नेकपा एस नेकपा एमालेको नेतृत्वमा बन्ने सरकारको पक्षमा छैन् । सोही बमोजिम उनले प्रचण्डलाई विश्वासको मत दिने बताए पनि तत्काललाई उनले विश्वासको मत नपाउने संकेत गरे ।

चौधरीले सम्बोधनका क्रममा कांग्रेससँग सुमधुर सम्बन्ध राख्न प्रचण्डलाई सुझाए । कांग्रेस लगायत कसैलाई नचिढ्याउनुस्, चार महिनापछि सत्ता तपाइकै हामा आउछ, हामी साथ मै छौ– उनले भने ।