आइतबार, १७ साउन २०७८
samadhannews
Sanima Bank New year offer

दुर्घटना घटाउन चालककाे स्वास्थ्य जाँच

बुधबार, ०२ माघ २०७५

अर्जुन काफ्ले
स्याङ्जा

दुर्घटना न्यूनीकरण गर्ने उद्देश्यले जिल्ला ट्राफिक प्रहरी कर्यालय स्याङ्जाले चालकको स्वास्थ्य जाँच गरेको छ । ट्राफिक प्रहरीले जिल्ला स्वास्थ्य कार्यालयको प्राबिधिक सहयोगमा चालकको स्वास्थ्य परीक्षण गरेको हो ।

प्रेसर, आँखा कमजोर तथा छारे रोग भएका चालकले सवारी चलाउँदा दुर्घटना भएकाले चालकको स्वास्थ्य परीक्षण गरिएको ट्राफिक प्रमुख प्रहरी नायव निरीक्षक रेशम रानाभाटले बताए । बिगतमा चालक तथा सहचालकलाई जनचेतनामूलक कार्यक्रम गरेको बताउँदै रानाभाटले स्वास्थ्य परीक्षण नयाँ काम भएको बताए ।

सिद्धार्थ तथा ग्रामीण राजमार्गमा आवत जावत गर्ने ५१ साना÷ठूला बस, १२ ट्रक, २९ जीपका चालकको स्वास्थ्य परीक्षण गरिएको थियो । जिल्ला अस्पतालका डा. सुशील सुवेदीसहित ३ जनाको टोलीले ४ घण्टाको अवधिमा चालकको स्वास्थ्य परीक्षण गरेका थिए ।

चालकमा रक्त चाप बढी भए पनि अन्य रोग नदेखिएको टोलीले जानकारी दिएको छ । बिरामी चालकले सवारी चलाउँदा दुर्घटना हुने हेतुले ट्राफिक कार्यालयले गरेको स्वास्थ्य परीक्षण सकारात्मक कदम भएको सवारी चालक स्थानीय शेरबहादुर भुजेलले बताए ।

सम्बन्धित खबर