शुक्रबार, ०६ भदौ २०७६
samadhannews
अर्मलमा छैटौंपटक पर्वतीय दौड

अर्मलमा छैटौंपटक पर्वतीय दौड

शुक्रबार, २५ माघ २०७५
420 पटक पढिएको

समाधान संवाददाता
पोखरा

पोखरा महानगरपालिका १६ अर्मला गाँउमा माघ २७ गते १० किलोमिटर पर्वतीय दौड हुने भएको छ । सो अवसरमा पुरुष भलिबल र परम्परागत खेल छेलो हान्ने प्रतियोगिता सञ्चालन हुने आयाजनकले जनाएको छ । सोही दिन अर्मला होमस्टेको पनि सुरुआत गरिनेछ । अर्मलास्थित खे पना प्रतिष्ठानलाई होम स्टेको रुपमा अगाडि बढाइएको स्थानीय दुर्गा युवा क्लबले जनाएको छ ।

श्रीपञ्चमीको अवसरमा आयोजनामा हुने प्रतियोगितामध्ये छैटौं पटक आयोजना गरिएको पर्वतीय दौड बाटुलेचौरबाट सुरु भएर अर्मलाकोटमा पुगी पूरा हुने क्लबका अध्यक्ष गंगाबहादुर गुरुङले जानकारी दिए । उनका अनुसार दौड प्रतियोगितामा प्रथम, द्वितीय र तृतीय हुनेले क्रमशः नगद १५ हजार, १० हजार र ५ हजार नगद साथमा पदक र प्रमाणपत्र प्राप्त गर्नेछन् ।

पुरुष भलिबल प्रतियोगितामा प्रथम हुनेले विजेताले ३५ हजार र द्वितीयले २५ हजार रनिङ कप, पदक तथा प्रमाणपत्र पाउनेछन् । १६ वर्षभन्दा माथि छेलो प्रतियोगितामा प्रथमले नगद ३ हजारका साथमा भांग्रा, फेता र प्रमाणपत्र प्राप्त गर्नेछन् भने द्वितीयले नगद १ हजारका साथमा प्रमाणपत्र पाउने क्लबले जनाएको छ । १६ वर्ष मुनिको प्रतिस्पर्धामा प्रथम र द्वितीय हुनेले क्रमशः नगद १ हजार र ५ सय पाउनेछन् ।

उक्त पुरस्कारको प्रायोजन अर्मलाकोट युके परिवारको मुख्य प्रायोजन र अर्मला विकास मञ्च सह प्रायोजनमा हुन लागेको हो भने हाल युके निवासी शेरा गुरुङ, सम्मरबहादुर गुरुङ, जीवन गुरुङ र बुद्धि गुरुङ लगायतले प्रायोजन गर्ने भएको सचिव डम्बरबहादुर गुरुङले जनाएका छन् ।

पोखराको उत्तरपट्टि माछापुच्छ्रे हिमालको काखमा अवस्थित एउटा सुन्दर मनमोहक गाउँ अर्मलाबाट उत्तरतर्फ माछापुच्छ्रे हिमाल लगायत अन्य हिम शृङ्खला र दक्षिणतर्फ पोखरा नगर एकै नजरमा देख्न सकिन्छ ।

सम्बन्धित खबर