शुक्रबार, ०६ भदौ २०७६
samadhannews
गण्डकी प्रदेश संसदीय पत्रकार मञ्चमा लाल

गण्डकी प्रदेश संसदीय पत्रकार मञ्चमा लाल

शनिबार, २६ माघ २०७५
270 पटक पढिएको

समाधान सम्वाददाता

संसदीय पत्रकार मञ्च गण्डकीको अध्यक्षमा कान्तिपुर दैनिकका संवाददाता लालप्रसाद शर्मा निर्वाचित भएका छन् । मञ्चको शुक्रबार पोखरामा भएको पहिलो अधिवेसनबाट पुन अध्यक्षमा शर्मा सर्वसम्मत निर्वाचित भएका हुन् ।

समितिको उपाध्यक्ष दी हिमालयन टाइम्सका पोखरा प्रमुख एवं समाधान दैनिकका कार्यकारी सम्पादक भरत कोइराला, सचिव नागरिक दैनिकका विशन क्षेत्री, सहसचिव सबैको आवाज साप्ताहिककी सम्पादक तारा चापागाइ र कोषाध्यक्षमा नयाँ पत्रिका दैनिकका संवाददाता रोहितराज पराजुली निर्वाचित भएका छन् ।

हिमाल खबरपत्रिकाका संवाददाता युवराज श्रेष्ठ, एपीवान टिभीका संवाददाता सागरराज तिमिल्सिना, नागरिक दैनिकका फोटो पत्रकार उमेश पुन, समाधान दैनिकका फोटो पत्रकार युवराज गुरुङ ‘युनिश’ आदर्श समाजका संवाददाता प्रकाश ढकाल र गण्डकी टिभीका संवाददाता उमा आले सदस्य चुनिए ।

अधिवेशनमा मञ्चका सचिव विशन क्षेत्रीले पेस गरेको प्रतिवेदन र कोषाध्यक्ष रोहितराज पराजुलीले पेश गरेको आर्थिक प्रतिवेदन सर्वसम्मत पारित गरेको थियो ।

सम्बन्धित खबर