सोमबार, ०६ फागुन २०७५
samadhannews
kings

एपिएफ र क्यामरुन फाइनलमा

आइतबार, २७ माघ २०७५

समाधान संवाददाता

पोखरा रंगशालामा जारी पोखरा मनकामना केबलकार कपको सेमिफाइनल प्रतियोगिता अन्तर्गत शनिबार भएको खेलमा पाहुना टोली क्यामरुनको डफिन्स टिम फेमिलीले मनाङ मस्र्याङ्दीलाई हराउँदै फाइनलमा प्रवेश गरेका छन् ।

शनिबार भएको क्यामरुनको डफिन्स फेमिली क्लब र मनाङ मस्र्याङ्दीबीचको खेलमा निर्धारित ९० मिनेटको खेल १–१ गोलको बराबरीमा सकिएपछि खेल अतिरिक्त समयमा धकेलिएको थियो ।

अतिरिक्त समयमा पनि दुवै टोलीले गोल गर्न नसक्दा खेल टाइब्रेकरमा धकेलिएको हो । टाइब्रेकरमा समेत बराबरी हुँदा खेल सडनडेथमा पुगेको हो ।

अत्यन्तै प्रतिस्पर्धात्मक खेलमा दुवै टिमले केही अवसर पाए पनि सदुपयोग गर्न नसक्दा सडनडेथ सम्म पुग्न परेको हो ।

पोखरा रंगशाला फुटबल मैदानमा शनिबार भएको खेलमा क्यामरुनी टिमले अग्रता लिएको हो । पहिलो हाफ गोलरहित बराबरीमा सकिँदा खेलको ६६ औं मिनेटमा क्यामरुनको डफिन्स टिम फेमिलीका अर्मेल अहन्दाले गोल गर्दै अग्रता लिए पनि सहजै जित हात पार्न सकेन ।

खेलको ८० औं मिनेटमा मनाङका ओलावालाले हेड गोल गर्दै अंक बराबर बनाए । मनाङका विमल रानाले दिएको क्रसपासमा ओलावालाले गरेको हेडलाई क्यामरुनी क्लब डफिन्सका गोलरक्षक प्रिसोले बचाउ गरेको बल रिबाउन्ड हुँदा ओलाआलाले फेरि हेड गर्दै गोल गरेका थिए ।

खेलको म्यान अफ दि म्याच डफिन्सका अर्मेल अहन्दा घोषित भए । उनले नगद ५ हजारको साथमा ट्रफी हात पारे ।

प्रतियोगितामा डफिन्सले यस अघि प्रिक्वाटरफाइनल खेलमा च्यासल युथ क्लबलाई, क्वाटरफाइनलमा विभागीय क्लब त्रिभुवन आर्मी क्लबलाई हराउँदै सेमिफाइनलमा प्रवेश गरेको हो ।

मनाङलाई हराएको डफिन्सले उपाधिको लागि विभागीय टोली सशस्त्र प्रहरी बल एपिएफसँग खेल्ने छ । डफिन्सले मनाकामना कपमा पहिलो पटक भाग लिएको हो ।

एपएिफले थ्री स्टारलाई हराउँदै सेमिफाइनलमा, हिमालयन शेर्पा क्लबलाई हराउँदै क्वाटरफाइनलमा र रुसे विश्वविद्यालयको जापानी टोलीलाई हराउँदै फाइनलमा प्रवेश गरेको हो ।

सम्बन्धित खबर