आइतबार, १२ जेठ २०७६
samadhannews
e planet education.

‘रुझेर अग्निवर्षामा’ को परिचर्चा

आइतबार, २६ फागुन २०७५
110 पटक पढिएको

सामाधान संवाददाता, पोखरा

मुक्तककार रुद्र ज्ञवालीद्वारा लिखित मुक्तक संग्रह ‘रुझेर अग्निवर्षामा’ माथि परिचर्चा भएको छ । मुक्तक मञ्च, पोखराको आयोजनामा परिचर्चा भएको हो ।

त्यस अवसरमा साहित्यकार तीर्थ श्रेष्ठले मुक्तक लेखनमा महाकाव्य लेखनमा जस्तै अत्यन्त सचेतता आवश्यक पर्ने बताए । चर्चित राजनीतिज्ञ विन्स्टन चर्चिलको उदाहरण दिँदै ‘उनले १ घन्टा भाषण गर्दा बिनातयारी जाने तर १० मिनेट भाषण गर्दा १ घन्टा तयारी गर्नुपर्ने’ बताए जस्तै मुक्तक लेखनमा गम्भीर साधना आवश्यक हुने कुरामा जोड दिए ।

मुक्तक लेखनका प्रारम्भिक कालमा सक्रिय स्रष्टाको लेखनको अध्ययनबिना मुक्तक लेखनमा विशिष्टता प्राप्त गर्न नसकिने बताउँदै नयाँ पुस्ताका मुक्तक सर्जकलाई अध्ययन र परिमार्जनमा ध्यान दिन आग्रह गरे । उनले रुद्र ज्ञवालीको मुक्तकीय क्षमता अब्बल रहेको समेत बताए ।
ज्ञवालीको सातौं कृतिको रूपमा प्रकाशित ‘रुझेर अग्निवर्षामा’ माथि समीक्षकीय दृष्टिकोण राख्दै समीक्षक सञ्जीव पौडेलले ज्ञवालीको मुक्तक शिल्पी अत्यन्त उत्कृष्ट रहेको जनाए । कृतिभित्र रहेका मुक्तकका संरचना, विषय, भाव एवं शैलीशिल्पका सामथ्र्यबारे पौडेलले सैद्धान्तिक एवं पाठकीय दृष्टिकोण प्रस्तुत गरेका थिए ।

मुक्तक मञ्चका अध्यक्ष सञ्जय न्यौपाने ‘प्राञ्जल’को अध्यक्षतामा सम्पन्न सो कार्यक्रममा साहित्यकार दीपक समीपले स्रष्टाको परिचय दिएका थिए । त्यसैगरी मुक्तककार रुद्र ज्ञवालीले आफ्नो साहित्यिक यात्रा एवं कृतिको रचनागर्भका अनुभवबारे उल्लेख गरेका थिए ।

सोही अवसरमा मुक्तक मञ्च, पोखराको १३० औं नियमित रचनावाचन कार्यक्रम समेत सम्पन्न भएको थियो । त्यस अवसरमा ३ दर्जनभन्दा बढी मुक्तककारले आआफ्ना मुक्तक वाचन गरेका थिए । मञ्चका सचिव रामजीप्रसाद आचार्यले सञ्चालन गरेको कार्यक्रममा अनिता दाहालले स्वागत मन्तव्य व्यक्त गरेकी थिइन् । संस्थाले हरेक महिनाको अन्तिम शनिबार नियमित मुक्तक वाचन कार्यक्रम गर्दै आएको छ ।

सम्बन्धित खबर