बिहिबार, ०७ चैत २०७५
samadhannews
kings

थकाली संस्कृति समेटिएको चलचित्र चचहुईको छायाँङ्कन मार्फामा

शुक्रबार, ०१ चैत २०७५

सुन्दरकुमार थकाली
मुस्ताङ

‘चचहुई सरर…..’अक्सर बडादशैको अवसरमा गाउँघर तीर पीङ खेल्दा रमाएर प्रयोग हुने शब्द हो चचहुई । पीङ खेल्दा जसरी रमाईन्छ , त्यही उद्देश्य बोकेर चचहुई यूनिट मुस्ताङको पर्यटकीय गाउँ मार्फा आएको हो ।

चलचित्रको कथामा मुस्ताङको मार्फा गाउँको थकाली सभ्यता चित्रण गर्न खोजेको छ । यसैका लागि यसका संम्पूर्ण निर्माण यूनिट २ साताअघि देखि मुस्ताङमै छन् ।फागुनको पहिलो साता चचहुई टोली मुस्ताङ आएको हो,जुन बेला मुस्ताङमा हिउँको वर्षा भईरहेको थियो । ठाउँ ठाउँको सडक जाम र हिमपात छिचोल्दै छायाँङ्ककनका लागि चचहुईकर्मी यहाँ आईपुगेको हो ।

पछिल्लो चलचित्र रोजी र लालपूर्जा जस्ता सफल चलचित्रमा अभिनय गरीसकेकी नवनायिका मीरुना मगर चचहुइई चलचित्रमा नायिकाको भूमिकामा अनुबन्ध भएकी हुन् । चचहुईको कथा प्रत्यक्ष मार्फा थकाली कलासंस्कृति संग जोडिएको छ । नायिका मगरको घर मार्फा गाउँको पुरानो परम्परागत एक घरलाई बनाईएको छ । जहाँ शुक्रबार चचहुई छायाँङ्कन भईरहेको थियो ।

मार्फा गाउँको धार्मिक ,सास्कृतिक,भौगोलिक र आर्थिक बिषय चलचित्रमा चित्रण गर्न खोजिएको यसका निर्माता अमृत घले लामाले जानकारी गराए । सानै देखि चलचित्र खेल्ने भन्दा निर्माण गर्ने रहर मुताबिक चचहुई निर्माणमा पहिलो डेभ्यू गरेको बताए । ‘धेरै चलचित्र स्क्रीप्ट छनौट गरेर चचहुई निर्माण गर्न थालेको हु,’निर्माता लामाले भने,‘ यसका कलाकारले उक्तिकै मेहनतले काम गरेका छन् ।’उनले चलचित्र प्रर्दशनपछि मार्फाको पर्यटन क्रेजमा सघाउ पूर्‍याउने दावी गरे । पछिल्लो समय नेपाल चलचित्र टीपीकल शैलीमा निर्माण भईरहेकाले चचहुईले पनि सफलता प्राप्त गर्ने निर्माता लामाको अपेक्षा छ । उनले नेपाली चलचित्रलाई माया गर्न समेत अनुरोध गरे ।

विशुद्ध आँशु, हाँसो, प्रेम , बिछोड, रोमान्स, ड्रामा र एक्शन आदीले भरिएको दर्शकको तिर्खा मेटाउने यसका निर्दैशक साम्तेन भुटियाको भनाई छ । ‘हामीले धेरै दुख ,मेहनत र साधना गरेका छौ,’निर्दैशक भुटियाले भने,‘पुरै ८ के क्वालिटीको सिनेमास्कोपमा चलचित्र बन्दैछ ,चलचित्र हेर्न हलमा पुगेका सबै दर्शकको थकान चचहुईले मेटाउने छ ।’
एजिल ईन्टटेमेन्ट प्राईभेट लिमिटेडको ब्यानरमा निर्माण भईरहेको चलचित्र चचहुईको लागत डेढ करोडको छ ।

क्लासिक,मौसम,मेरो एउटा साथी छ लगायत दर्जनौ नेपाली चलचित्रमा अभिनयगरी खारिएका नायक आर्यन सिक्देल ,नायिका मीरुना मगर,भोलाराज सापकोटा र माओत्से गुरुङ आदीको जिवन्त अभिनय चचहुईमा देख्न पाईन्छ । यस्तै,चलचित्रमा पोखरा र मार्फाली समूदायको जातीय अभिनय रहने छ ।

आगामी बडादशै अघि नेपालका सिनेमा घरहरुमा एकैसाथ रिलिज गर्ने उद्देश्यसहित फिल्डमा काम भईरहेको जनाईएको छ । मुस्ताङ,पोखरा,काठमान्डौ र हङकङमा चचहुईको छायाँङ्कन हुने निर्देशक भूटियाले जानकारी दिए । उनका अनुसार चलचित्रको कथा अनुसार ४० प्रतिशत छायाँङ्कन मार्फामा हुनेछ ।

कथा तथा पटकथा सीजन दाहाल र सन्देश अर्यालले तयार पारेका हुन् । सबै प्रकारको बिषयवस्तु समेटिएको चचहुईमा २ वटा द्धन्दका क्लाईमिक्स समावेश हुने द्धन्द निर्देशक श्रेष्ठले जानकारी दिए । यसअघि उनले जयभोलेमा द्धन्द निर्देशन गरेका थिए । राजनराज शिवाकोटी,रोशन थापा र सुरजशाहीको शब्द रचनामा तयार पारिएको चचहुईमा ३ वटा गीत समावेश हुनेछन् । राजनराज सिवाकोटीको संङ्गितमा उनी सहित सुरजशाही ठकुरी र मेलिना राईको स्वर रहने छ ।

सम्बन्धित खबर