शनिबार, १६ साउन २०७८
samadhannews
Sanima Bank New year offer

धर्म, संस्कृति नभुलौंः खगराज अधिकारी

शुक्रबार, ०८ चैत २०७५

समाधान संवाददाता
पोखरा

प्रतिनिधिसभा सदस्य एवं पूर्व स्वास्थ्य तथा जनसंख्यामन्त्री खगराज अधिकारीले मानिसले आफ्नो धर्मसंस्कृति बिर्सन नहुने बताएका छन् । चिउली पाचे तमु समाजको आयोजनामा बुधबारदेखि सुरु श्रीमद्भागवत् महापुराण ज्ञानमहायज्ञ २०७५ को दोस्रो दिन बिहीबार यज्ञमा सहभागी हुँदै उनले यस्तो बताएका हुन् ।

यज्ञमा पूर्व मन्त्री अधिकारीले १० हजार रुपैयाँ दान गरेका छन् । पोखरा स्वास्थ्य विज्ञान प्रतिष्ठानका सभासद् मीन गुरुङले महायज्ञको सफलताको कामना गर्दै आफू र पत्नी रमाकुमारीको नाउँबाट १० हजार रुपैयाँ दान दिए ।

महायज्ञमा बिहीबार पोखरा ११ माछापुच्छे« टोल निवासी समाजका उपाध्यक्ष बलबहादुर गुरुङले १ लाख ३ हजार रुपैयाँ दान गरे । महायज्ञ चैत १२ गतेसम्म चल्नेछ । महायज्ञका प्रमुख वाचक भागवताचार्य युवासन्त रोहितराज महाराज (गुरुङ) छन् । संगीतमय शैलीमा प्रवचन दिएका उनले बिहीबार विशेषगरी बुद्धधर्म र कलियुगको बारेमा प्रकाश पारेको महायज्ञ सल्लाहकार मोती गिरीले बताए । कार्यक्रम सञ्चालन महायज्ञ सल्लाहकार मोती गिरी र सञ्चारकर्मी देवीजंग गुरुङले संयुक्त रुपमा गरेका छन् ।

शुक्रबार समाजका सदस्य एवं महायज्ञ सल्लाहकार भूपू ब्रिटिस आर्मीका डब्लुओटु समाजसेवी गमबहादुर गुरुङको प्रमुख आतिथ्य रहने महायज्ञ मूलआयोजक समिति संयोजक कर्णेल कमानसिंह गुरुङले बताए ।

सम्बन्धित खबर