शनिबार, १६ साउन २०७८
samadhannews
Sanima Bank New year offer

डडेल्धुराको धनगाडमा बस दुर्घटना, ३१ घाइते

बुधबार, २७ चैत २०७५

समाधान सम्वाददाता

अमरगढी नगरपालिका–११ धनगाड नजिक बस दुर्घटना हुदाँ ३१ जना घाइते भएका छन् । घाइतेमध्ये एक जनाको अवस्था गम्भीर छ ।

धनगढीबाट अछामका लागी छुटेको ना ४ ख ६८३६ नम्बरको बस केआईसिह राजमार्गमा पर्ने धनगाड भन्ने स्थानमा बिहान करिब २ः३० बजे दुर्घटना भएको जिल्ला प्रहरी कार्यालय डडेल्धुराले जनाएको छ ।

बस ब्रेक फेल भएर मोडमै पल्टेको प्रमुख जिल्ला अधिकारी मोहनराज जोशीले जानकारी दिएका छन् । घाईते ३० जनाको डडेल्धुरा अस्पताल डडेल्धुरामा उपचार भइरहेको छ भने गम्भीर घाईते गम्भीर कञ्चनपुरको कृष्णपुरकी ६१ वर्षीया शान्ति दियाललाई थप उपचारका लागि धनगढी पठाइएको छ ।

दुर्घटनामा घाईतेहरु अधिंकाश अछामका रहेको बुझिए भएपनि अहिलेसम्म घाईतेहरुको परिचय नखुलेको जिल्ला प्रहरी कार्यालय प्रहरीले जनाएको छ । बसमा ५० जना भन्दाबढी सवार रहेका बताईएको छ भने बस चालकलाई प्रहरीले नियन्त्रणमा लिएको छ ।

सम्बन्धित खबर