आइतबार, १७ साउन २०७८
samadhannews
Sanima Bank New year offer

माटोका घरको अध्ययन गर्दै विद्यार्थी

सोमबार, १६ बैशाख २०७६

माधान संवाददाता, जोमसोम

टोकियो सिटी युनिभर्ससिटी जापानमा पिएचडी तेस्रो वर्षमा अध्ययनरत काभ्रेपलाञ्चोक रोसी गाउँपालिका ७ का विद्यार्थी बासुदेव गौतम दोस्रोपटक मुस्ताङ आएका छन् । तराई, पहाड र हिमाली जिल्लाका पुराना ऐतिहासिक घरहरुको अध्ययनका लागि उनी मुस्ताङ आएका हुन् ।

युनिभर्ससिटीमार्फत पहिलोपटक सन् २०१६ डिसेम्बरको जाडो मौसममा पनि विद्यार्थी गौतम मुस्ताङ आएका थिए । अहिले गर्मीयामको फरक मौसम पारेर यहाँका माटोले बनेका घर र अहिले बन्दै गरेको सिमेन्टले बनेको घरहरुको भिन्नता र गुणस्तर निर्धारण गर्दै थेसिस लेख्न उनी मुस्ताङ आएका हुन् । फरक÷फरक केही प्रविधिको सहयोगमा उनले घरभित्र र बाहिरको मौसमी तथ्यांक संकलनबारे अध्ययन गरेका छन् । उनले हावाको गति नाप्ने ब्यारोमिटर, कार्बनडाइअक्साइड मापन गर्ने रेकर्डर, तापक्रम नाप्ने थर्मोमिटर र अक्सिजन नाप्ने मिटर प्रयोग गरी अध्ययन गरेका छन् ।

गौतमले मुस्ताङको जोमसोम, ठिनी, स्याङ र कागबेनीमा मौसम अध्ययन गरेका छन् । उनले प्रविधिको अध्ययनसँगै स्थानीयसँग पनि तापक्रम, अक्सिजन र मौसममी अनुभवबारे प्रश्न राखेर प्रतिवेदन तयार पार्ने जनाए । सामान्य परिवारमा जन्मेका उनलाई १ वर्षअघिमात्र रोटरी क्लब अफ जापानले छात्रावृत्ति उपलब्ध गराएको हो । पढाइ सकेपछि स्वदेशमै सेवा गर्ने विद्यार्थी गौतमले बताए ।

उनका अनुसार घर बाहिरको तापक्रमभन्दा घरभित्रको तापक्रम केही बढी हुने भएपनि आरसिसी घरहरुमा त्यस अनुरुप नपाइएको अनुभव सुनाए । पुराना माटोका घरहरु बस्नका लागि योग्य भएको उनले दाबी गरे ।

वस्तुगत रुपमै स्थानीय संगको सर्वेक्षणमा माटोलेनै बनेका घरहरु प्रभावकारी भएको पाएको उनको भनाइ छ । उनी भन्छन्, ‘सडकले आरसिसी घरहरु बन्ने क्रम बढेकाले संस्कृति धरासयी हुन सक्ने देखिएको छ ।’ मुस्ताङ, मनाङ लगायत अन्य हिमाली जिल्लामा सयौं वर्ष पुराना माटोले बनेका घरहरु अझै छन् ।

सम्बन्धित खबर