शनिबार, १६ साउन २०७८
samadhannews
Sanima Bank New year offer

हरिहर गुफालाई प्रदेश सरकारको पूर्ण सहयोग

सोमबार, ३० बैशाख २०७६

समाधान संवाददाता, पोखरा

गण्डकी प्रदेशका भौतिक पूर्वाधार तथा विकास मन्त्री रामशरण बस्नेतले हरिहर गुफाको संरक्षणमा प्रदेश सरकारले पूर्ण सहयोग गर्ने बताएका छन् । पोखरा २० भलामस्थित हरिहर गुफा सन्यास आश्रमको १ सय ७० औं वार्षिकोत्सवको अवसरमा आयोजित सभामा मन्त्री बस्नेतले महानगरमै रहेर पनि ओझेलमा परेको गुफाको प्रबद्र्धन र संरक्षणमा प्रदेश सरकारले सहयोगमात्र होइन मन फुकाएर कामै गर्ने बताए ।

एउटै महानगर भित्र विकासका हिसाबले अत्यन्तै भिन्नता रहेको भन्दै ऐतिहासिक महत्व बोकेको हरिहर गुफाको संरक्षणमा महानगरको बिशेष चासो हुनुपर्ने उल्लखे गरे । मन्त्री बस्नेतले वडाकै महत्वपूर्ण धार्मिक स्थल बन्ने बताउँदै प्रचारप्रसारमा जोड दिन वडालाई आग्रह गरे ।

उनले मोटरबाटो र खानेपानीको समस्यालाई समाधान गरिहाल्नु पर्ने समस्या औंल्याउदै भने, ‘असार भित्रमा यहाँ पानी आउँछ, उनले थपे, ‘यो कुरा लेखेर राख्नुस्, म तपाईहरुको अगाडि उभिएर भनेको छु ।’ कार्यक्रममा वडा नं २० का अध्यक्ष सिम गुरुङले ओझेलमा रहेको हरिहर गुफाको ऐतिहासिक तथा धार्मिक महत्व रहेको उल्लेख गरे ।

उनले आगामी आर्थिक वर्ष २०७६÷०७७ मा बिशेष योजनासहित बजेट बिनियोजन गर्ने धारणा राखे । कार्यक्रममा गण्डकी प्रदेश सभा सदस्य कृष्ण थापा र प्रभा कोइरालाले शुभकामना दिँदै सवैको आँखा नपुगेको धारणा राखे ।

कार्यक्रममा धरहरा आमा समूह पोखरा महानगरपालिका ११ फूलबारीद्वारा हरिहर गुफा संन्यास आश्रममा आश्रित वृद्धालाई खाद्य तथा जिन्सी सामग्री सहयोग हस्तान्तरण गरिएको थियो ।

अनन्तश्री विभुषित महामण्डलेश्वर पीठाधीश आत्मानन्द गिरीको अध्यक्षतामा भएको कार्यक्रममा आश्रमका सदस्य विष्णुबहादुर खत्री, गुफाका सदस्य सचिव नारायणजंग खत्री लगायतले बोलेका थिए ।

सम्बन्धित खबर