शनिबार, १६ साउन २०७८
samadhannews
Sanima Bank New year offer

मगर संघ रामबजारद्वारा जन्मजात अपाङ्ग दाजुभाइलाई सहयोग

मङ्गलबार, ३१ बैशाख २०७६

मगर संघ रामबजारद्वारा जन्मजात अपाङ्ग दाजुभाइलाई सहयोग
पोखरा, ३० वैशाख (समाधान)— नेपाल मगर संघ इकाइ समिति रामबजारले जन्मजात अपांगता भएका २ युवालाई सहयोग गरेको छ ।

पोखरा १३ डिही गाउँ निवासी पूर्णबहादुर नेपालीका २ छोराहरु चेतबहादुर नेपाली र शिवबहादुर नेपालीलाई संघले घरमै पुगेर १० हजार नगद र ९ हजार बराबरको खाद्यान्न सामान प्रदान गरेको हो । नेपाली परिवारलाई आम्दानीमा सघाउन ५२ हजार ६ सय ७० प्रदान गर्ने इकाइ अध्यक्ष ढालबहादुर सारुमगरले बताए । उक्त रकम बाख्रा किन्न र खोर बनाउन सहयोग गरिने अध्यक्ष ढालबहादुरको भनाइ थियो ।

अपांग बच्चाकी आमा देवकुमारीले सहयोगबाट भविष्यमा राहत हुने विश्वास व्यक्त गरिन् । नेपाली परिवारको जीवन जिउन केही हदसम्म भए पनि सहज होस् भन्ने हेतुले सहयोग गरिएको नेपाल मगर महिला संघ इकाइ समिति रामबजारका अध्यक्ष दानकुमारी थापा मगरले बताइन् ।

सम्बन्धित खबर