आइतबार, ०१ भदौ २०७६
samadhannews
e planet education.

चुनावकाे नतिजा नआउँदै मोदीलाई बधाईको ओइरो

बिहिबार, ०९ जेठ २०७६
770 पटक पढिएको

समाधान संवाददाता, काठमाडाैं

भारतीय लोकसभा चुनावको नतिजा नआउँदै प्रधानमन्त्री नरेन्द्र मोदीलाई बधाईको ओइरो लागेको छ ।

सात चरणमा भएको मतदानको आज बिहानदेखि गणना भइराखेका छन् । ५४३ लोकसभा सिटमध्ये ३४० भन्दा बढीमा सत्तारुढ भारतीय जनता पार्टी नेतृत्वको गठबन्धनले लिड गरिराखेका छन् ।

भारतीय जनता पार्टी एक्लैले २ सय ७२ भन्दा बढी सिट ल्याउने अनुमान गरिएको छ । यसैक्रममा पुन: प्रधानमन्त्री बन्ने बाटो खुला भएकोमा प्रधानमन्त्री मोदीलाई विभिन्न देशका राष्ट्र प्रमुख तथा प्रधानमन्त्रीले बधाई दिएका छन् ।

मतगणना आजै बेलुकीसम्म सकिने भारतीय सञ्चार माध्यमहरुले जनाएका छन् ।

मोदीलाई नेपालका प्रधानमन्त्री केपी शर्मा ओली, चीनका राष्ट्रपति सी चिनफिङ, नेपालका पूर्वप्रधानमन्त्री एवं सत्तारुढ पार्टी नेकपाका अध्यक्ष पुष्पकमल दाहालले बधाई दिएका हुन् ।

यस्तै अफगानिस्तानका राष्ट्रपति असार्फ घानीले पनि बधाई दिएका छन् । भुटानका राजा जिग्मे केशर नाम्गेल वानचुकले पनि मोदीलाई टेलिफोन गरी बधाई दिएका हुन् ।

रसियाका राष्ट्रपति भ्लादिमिर पुटिनले मोदीलाई टेलिग्राम पठाएर बधाई दिएका छन् । जापानका प्रधानमन्त्री सिन्जो आबेले पनि मोदीलाई टेलिफोन गरी बधाई दिए ।

सम्बन्धित खबर