बिहिबार, ०२ साउन २०७६
samadhannews
e planet education.

पोखरामा केन्दो खेलको प्रशिक्षण सुरु

बिहिबार, २३ जेठ २०७६
1070 पटक पढिएको

समाधान संवाददाता, पोखरा

नेपाल इआइदो एन्ड केन्दो संघ गण्डकी तर्दथ समितिको आयोजनामा मंगलबारबाट पोखरामा केन्दो खेलको खेलाडी प्रशिक्षण सुरु भएको छ । प्रशिक्षणमा ३० जना विद्यार्थी सहभागी बने । जापानी खेल केन्दोको बेग्लै महत्व रहेकाले यो खेलमा नयाँ खेलाडी उत्पादन गर्ने हेतुले प्रशिक्षण सुरु भएको हो । पोखरा लनर्स एकेडेमीको सभाहलमा आयोजित प्रशिक्षण ४ दिनसम्म चल्नेछ ।

तालिममा फस्ट अन्तर्राष्ट्रिय मेडलिस्ट अमित चौधरी र अन्तर्राष्ट्रिय मेडलिस्ट खेलाडी दीपेश डंगोलले सहजीकरण गर्ने नेपाल इआइदो एन्ड केन्दो संघ गण्डकी तदर्थ समितिका अध्यक्ष विधान गौतमले जनाए । गण्डकी प्रदेशमा केन्दो खेलको विकास गर्दै नयाँ खेलाडी उत्पादन गर्न आपूmहरुले लक्ष्य रहेको अध्यक्ष गौतमले बताए । केन्दो खेलमा लाग्न खोज्ने खेलाडीले छोटो समयमै राष्ट्रिय तथा अन्तर्राष्ट्रिय प्रतियोगितामा भाग लिने मौका पाउने नेपाल इआइदो एन्ड केन्दो संघ कास्की जिल्लाका अध्यक्ष महेश्वर रिमालले बताए ।

४ दिने तालिममा सहभागीलाई केन्दो सम्बन्धी बेसिक ज्ञान प्रदान गरी उनीहरुलाई खेल्न सक्ने बनाइने नेपाल इआइदो एन्ड केन्दो संघका केन्द्रीय सचिव तथा केन्दो खेलका प्रमुख प्रशिक्षक अमित चौधरीले बताए । चौधरी केन्द्रोको थर्ड डन प्राप्त गर्ने पहिलो खेलाडी हुन् ।

जापानी खेल केन्दो २०५८ मा नेपालमा भित्रिएको हो । हाल विश्वका १ सय १० देशमा यो खेल खेलिन्छ । मार्सल आर्ट सम्बन्धी यो खेल तर्फको आकर्षण नेपालमा पनि बढ्दै गएको नेपाल इआइदो एन्ड केन्दो संघ गण्डकी तदर्थ समितिका सचिव राजाराम पौडेलले बताए । गत वर्ष थाइल्यान्ड तथा भियतनाममा भएको केन्दो खेल प्रतियोगितामा नेपालले अन्तर्राष्ट्रिय पदक जितेको थियो ।

सम्बन्धित खबर