शुक्रबार, ०१ कार्तिक २०७६
samadhannews
bindedswori home decore

एसिया प्यासिफिक सिटी समिटमा तिमिल्सिना

सोमबार, ०९ असार २०७६
6510 पटक पढिएको

समाधान संवाददाता, पोखरा

एसिया प्यासिफिक सिटी समिट तथा युथ प्रोफेसनल फोरममा नेपालको तर्फबाट युवा नेता लक्ष्मण तिमिल्सिनाले प्रतिनिधित्व गर्ने भएका छन । एसियाका विभिन्न देशका विविध क्षेत्रमा आवद्ध युवाको छलफल तथा सम्बन्ध विस्तार गर्न सम्मलेन आयोजना गरिएको हो ।

असार २० देखि २४ गतेसम्म अस्ट्रेलियाको बृस्बेनमा हुने कार्यक्रममा बिभिन्न देशका ५७ युवाको प्रतिनिधित्व रहनेछ । भौतिकशास्त्रका स्नातकोत्तर तिमिल्सिना अनेरास्ववियु कास्की उपाध्यक्ष र युवा संघ नेपालका केन्द्रीय सदस्यसमेत हुन् । उनी सामुदायिक विद्यालय केन्द्रित कापी कलम अभियानका अभियन्ता पनि हुन् ।

अस्ट्रेलियाको गृफिथ विश्वविद्यालयमा हुने कार्यक्रममा सहरको दिगो विकास, विकासमा नवीनता, आधुनिक जीवनशैली तथा समाज परिवर्तनबारे छलफल हुनेछ । तिमिल्सिनाले सहरी विकासका चुनौतीबारे युवा व्यवसायी तथा नेतालाई सजग गराउनु कार्यक्रमको मुख्य उद्देश्य बताए । उनले नेपालमा सहरी विकासका चुनौती र अवसरमाबारे नेपालको तर्फबाट प्रस्तुति राख्नेछन् ।

सम्बन्धित खबर