शुक्रबार, ०१ कार्तिक २०७६
samadhannews
bindedswori home decore

फुटबल स्टेडियम निर्माणमा ढिलासुस्ती, असार भित्र आँधा काम पनि नसकिने

शनिबार, २१ असार २०७६
2840 पटक पढिएको

सुरेशराज अधिकारी

पोखरा रंगशालाको फुटबल स्टेडियम निर्माण कार्य ढिलासुस्ती हुन थालेको छ । असार भित्रै सक्छु भनेर ठेक्का लिएको ठेकेदारले अब असोजभित्र बनाइसक्छु भन्न थालेको छ । असार भित्रै सक्ने गरी सम्झौता भयो ।

असार मसान्तभित्र निर्माण सम्पन्न गर्ने गरी गत फागुनको अन्तिम सातादेखि स्टेडियम निर्माण थालिएको थियो । चैत मसान्तसम्म स्टेडियम बनाउने ठाउँ सम्याउने र त्यसलगतै वरिपरि नाला बनाउन थालिएको थियो ।अहिले नाला बनाउने र खेलमैदानको बाहिर हिँड्ने बाटो बनाउने काम भइरहेकोे क्षेत्रीय खेलकुद विकास समितिका इन्जिनियर प्रमिश ताम्राकारले बताए ।

ताम्राकारले स्टेडियम बनाउन अझै ५ महिना लाग्नसक्ने बताए । उनले काम नरोकिएमा अबको ५ महिनापछि सम्पन्न हुने बताए । नाला बनाइसकेपछि मात्र प्यारापिट जडान गर्ने उनले बताए । ठेक्का पाएको कम्पनीले प्यारापिट निर्माणका लागि आवश्यकपर्ने सामान फ्रान्सबाट ल्याउने बताएको छ । तर अहिलेसम्म आइपुगेको छैन ।

गत माघदेखि नै माटो परीक्षण लगायत काम सुरु गरेको कम्पनीले असार मसान्तसम्म फुटबल स्टेडियम निर्माण पूरा गरी बुझाउने खेलकुद मन्त्रालयसँग सम्झौता गरेको थियो । खेलकुद मन्त्री जगत विश्वकर्माले गत फागुन २६ गते फुटबल स्टेडियमको शिलान्यास गरेका थिए । निमार्णाधीन फुटबल स्टेडियममा १८ हजार दर्शक अटाउने छन् । आवश्यक परे सोही स्टेडियममा क्षमता बढाउन सकिने छ ।

स्टेडियमका लागि विनियोजित रकम १ अर्ब २८ करोड २२ लाख रुपैयाँमध्ये पहिलो किस्ता बापत ५३ करोड रुपैयाँ निकासा सम्झौताको बेलामा भएको थियो । दोस्रो किस्ता ५ करोडभन्दा बढी निर्माण कम्पनीको खातामा साउनमा जानेछ । दोस्रो किस्ता निकासाका लागि अहिले तयारी भइरहेको क्षेत्रीय खेलकुद विकास समिति अध्यक्ष सम्पन्न श्रेष्ठले जानकारी दिए ।

सम्बन्धित खबर