आइतबार, ०१ भदौ २०७६
samadhannews
e planet education.

तमु कलाकार संघ गण्डकीमा सुरेन्द्र

आइतबार, २२ असार २०७६
1170 पटक पढिएको

समाधान संवाददाता

तमु (गुरुङ) कलाकार संघ नेपाल गण्डकी प्रदेश समितिको प्रथम अधिवेसनले अधिबेशनबाट सुरेन्द्र गुरुङको अध्यक्षतामा २१ सदस्यीय कार्यसमिति चुनेको छ ।

समितिको वरिष्ठ उपाध्यक्षमा माधव, प्रथम उपाध्यक्ष माया, महासचिव टस, सचिव नेत्र, कोषाध्यक्ष विक्रम र सहकोषाध्यक्ष इन्द्र गुरुङ छन् । सदस्यमा रुपा, काजल, पूजा, रामप्रसाद र डबिंग चयन भए । निर्वाचन मण्डल संयोजक कृष्ण गुरुङ र सदस्यमा शान्ति गुरुङ र दिलु गुरुङ थिए ।

कार्यक्रममा आर्थिक मामिला तथा योजना मन्त्री किरण गुरुङले अब कलाकारले नाच्ने र गाउनेमात्र नगरी आफ्ना मौलिक गीत र बाजाको अध्ययन अनुसन्धानमा लाग्नुपर्ने बताए । प्रदेश सभा सदस्य मीना गुरुङ, इन्द्रधारा बिस्ट र मित्र गुरुङ सुवेदीले कलाकारको वृत्ति, विकासका लागि आवश्यक पहल गर्ने बताए ।

अधिवेशनमा वरिष्ठ नृत्य निर्देशक एवं संस्कृतिकर्मी मेनकाजी गुरुङ र वरिष्ठ गायक तथा संगीतकार कृष्ण गुरुङलाई जनही ५ हजार ५ सय ५५ नगद, फेता र भांग्रले सम्मान गरिएको थियो । दुर्गा गुरुङको अध्यक्षतामा भएको कार्यक्रममा उपाध्यक्ष माधव गुरुङ र सचिव सुरेन्द्र गुरुङले पनि बोलेका थिए ।

सम्बन्धित खबर