बिहिबार, २५ असार २०७७
samadhannews
nepal telecome

मेलाको तयारीमा ग्लोबल रिच

बुधबार, ०८ साउन २०७६
2520 पटक पढिएको

समाधान

शैक्षिक परामर्शदाता कम्पनी ‘ग्लोबल रिच’ले अध्ययनका लागि अस्ट्रेलिया जान चाहने विद्यार्थीलाई लक्षित गर्दै शैक्षिक मेला गर्ने भएको छ । साउन १२ गते आइतबार पोखरामा यो मेला हुने पोखरा शाखाले जनाएको छ ।

न्युरोडको सिटी स्क्वायर पार्टी प्यालेसमा हुने मेलामा अस्ट्रेलियाका १२ वटा कलेज तथा युनिभर्सिटीका प्रतिनिधिले विद्यार्थी तथा अभिभावकसँग भेटघाट गर्नेछन् । ‘वैदेशिक अध्ययनमा जान चाहने विद्यार्थीको पहिलो रोजाई अस्ट्रेलिया नै हो । र, हामीले विद्यार्थीको मागलाई मध्यनजर गर्दै उनीहरुलाई बढी जानकारी मिलोस् भन्ने हेतुले मेला गर्न लागेका हौं,’ ग्लोबल रिच पोखराका ब्रान्च कोअर्डिनेटर सरिता गुरुङले भनिन् ।

कम्पनीले पोखरामा वर्षेनी २ वटा यस्ता प्रकृतिका मेला गर्दै आएको छ । विगत ४ वर्ष यता पोखराबाट सेवा दिईरहेको ‘ग्लोबल रिच’ले गर्न लागेको शैक्षिक मेलाको यो नवौँ संस्करण हो । मेलामा आउने विद्यार्थीका लागि फ्रि एप्लिकेसन, छात्रवृत्ति, निशुल्क आइइएलटिएस कुपन र विभिन्न गिफ्ट ह्याम्परको व्यवस्था गरिएको कम्पनीले जनाएको छ । मेलामा विभिन्न ४ वटा बैंकले विद्यार्थीलाई शैक्षिक कर्जाको विषयमा जानकारी समेत दिनेछन् ।

ग्लोबल रिच बहुराष्ट्रिय शैक्षिक परामर्शदाता कम्पनी हो । भारतमा मुख्य कार्यालय रहेको यो कम्पनीको फरक फरक देशमा ४० भन्दा बढी शाखा छन् ।

सम्बन्धित खबर