आइतबार, ०१ भदौ २०७६
samadhannews
e planet education.

स्पोर्टस् अवार्डका वर्ष खेलाडीलाई मोटरसाइकल र स्कुटर हस्तान्तरण

सोमबार, २० साउन २०७६
490 पटक पढिएको

समाधान संवाददाता
पोखरा

चौंथो टिभिएस अपाचे पोखरा स्पोर्टस् अवार्डका वर्ष खेलाडीलाई मुख्य प्रायोजक बतास ब्रदर्श प्रालिले मोटरसाइकल र स्कुटर हस्तान्तरण गरेको छ । पोखरा नयाँबजारस्थित बतास सो रुममा आइतबार कार्यक्रम गरी प्रालि अध्यक्ष आनन्दराज बतासले पुरुषतर्फ वर्ष खेलाडी घोषित युकेश गुरुङलाई टिभिएस अपाचे मोटरसाइकल (१६० सिसी) र महिलातर्फ वर्ष खेलाडी घोषित फूल कन्ट्याक्ट कराँतेकी सुष्मी श्रेष्ठलाई विगो स्कुटर (११० सिसी) हस्तान्तरण गरेका हुन् ।

कार्यक्रम सञ्चालन गर्दै बतास ब्रदर्शका प्रबन्धक सन्तोष पोखरेलले मञ्चसँगको सहकार्य रहिरहने बताए । कार्यक्रममा मञ्च अध्यक्ष एकराज गिरी, उपाध्यक्ष रञ्जन अधिकारी, महासचिव विजय नेपाल, कोषाध्यक्ष शशीकुमार पौडेल, सदस्य रोशन अधिकारी लगायतको उपस्थिति थियो ।

गत जेठ २४ मा पोखरा सभागृहमा भएको अवार्ड समारोहमा बक्सिङका चित्रबहादुर गुरुङलाई लाइफटाइम अचिभमेन्ट अवार्ड दिइएको थियो । वर्ष चर्चित खेलाडी सुटिङकी श्रेया केसी घोषित भएकी थिइन् । उदियमान खेलाडी क्रिकेटका अर्जुन कुमाल र वर्ष उत्कृष्ट प्रशिक्षक फूल कन्ट्याक्ट कराँतेका दीपक गोदारले उपाधि हात पारेका थिए ।

वर्ष उत्कृष्ट पत्रकार पुरस्कारबाट विनोद लामिछाने र वर्ष उत्कृष्ट खेल संघबाट जिल्ला बास्केटबल संघ कास्की सम्मानित भएका थिए ।

यसैबीच मञ्चको ११ औं बैठकले अवार्ड समारोह सफलतापूर्वक सम्पन्न गर्न सहयोग गर्ने सबैप्रति आभार व्यक्त गरेको छ ।

सम्बन्धित खबर