आइतबार, ०१ भदौ २०७६
samadhannews
e planet education.

प्रांगरिक उत्पादनको बजार ग्यारेन्टी प्रदेशले गर्ने

मङ्गलबार, २८ साउन २०७६
540 पटक पढिएको

समाधान संवाददाता, पोखरा

गण्डकी प्रदेशका किसानले उत्पादन गर्ने प्रांगारिक उत्पादनको बजार ग्यारेन्टी प्रदेश सरकारले गर्ने भएको छ । यसका लागि भूमि व्यवास्था कृषि तथा सहकारी मन्त्रालय र ग्लोबल क्यापिटल इन्भेस्टमेन्ट कम्पनीबीच सोमबार सम्झौता भएको छ ।

मन्त्रालयका सचिव दुर्गाप्रसाद ढवाडी र ग्लोबल क्यापिटलका अध्यक्ष देवमान हिराचनले सम्झौतापत्रमा हस्ताक्षार गरेका छन् । सम्झौता अनुसार प्रदेशका किसानहरुले उत्पादन गर्ने प्रांगरिक कृषि सामग्री देश तथा विदेशमा खपत गर्ने जिम्मेवारी ग्लोबल क्यापिटलको हुनेछ ।

कृषि सम्बन्धी नया विधि तथा प्रविधिका विषयमा ग्लोबल क्यापिटलले सहयोग गर्नेछ । यसको समन्वय मन्त्रालयले गर्नेछ । भूमि व्यवास्था, कृषि तथा सहकारी मन्त्री लेखबहादुर थापा मगरले सम्झौताले किसानको उत्पादन बिक्री नहुने समस्या अब नरहने बताए ।

उनले ग्लोबल क्यापिटलसँग थप छलफल गरी विस्तृत कार्ययोजना नै बनाएर अगाडि बढ्ने जानकारी गराउँदै सम्झौता प्रांगारिक बजार प्रसोधन र प्रवद्र्धनमा महत्वपूर्ण कदम बनाएको बताए । कृषिमा रासायानिक वस्तुको प्रयोेगलाई निरुत्साहित गर्दै प्रांगारिक उत्पादन बढाउने प्रदेश सरकारको नीति अनुसार नै सम्झौता भएको समेत उनले प्रष्ट्याए ।

ग्लोबल क्यापिटलको तर्फबाट अध्यक्ष देवमान हिराचनले प्रांगरिक उत्पादनको माग आज धेरै देशबाट भइरहेको भन्दै प्रदेशको उत्पादनको बजारमा पुर्‍याउन चाहिरहेको बताए । उनले मिलेर अगाडि बढेमा मात्र यो सम्झौताको औचित्य पुष्टि हुने भन्दै कृषिमा नयाँ प्रविधि प्रदेशका किसानलाई सिकाउन समेत आफूहरु तयार रहेको बताए ।

देशमा १ सय ५० वर्षदेखि एकै तरिकाको विधिमा कृषिनिर्भर रहेकाले यसलाई सबै मिलेर परिवर्तन गर्नुपर्ने हिराचनको भनाइ छ । कृषि मन्त्रालयले गरेको यो छैटाैं एमओयु सम्झौता हो । यसअघि चिनिया कम्पनी, कृषि विकास बैंक प्रदेश कार्यलाई, कृषि वन विज्ञान क्याम्पस रामपुर, लिबर्ड र नापी विभागसँग विभिन्न क्षेत्रमा सहकार्य गर्ने गरी एमओयू सम्झौता मन्त्रालयले गरिसकेको छ ।

सम्बन्धित खबर