मङ्गलबार, ३१ भदौ २०७६
samadhannews
पर्वत अस्पतालमा डायलोसिस सेवा

पर्वत अस्पतालमा डायलोसिस सेवा

आइतबार, ०१ भदौ २०७६
940 पटक पढिएको

रामकृष्ण लामिछाने
पर्वत

जिल्ला अस्पताल पर्वतमा डायलोसिस सेवा सञ्चालनको तयारी गरिएको छ । अस्पताल लामो समयदेखि रिफर सेन्टरको उपमा पाएको थियो । गण्डकी प्रदेश सरकारको सहयोगमा डायलोसिस सेवा सुरु गर्न लागिएको हो । गण्डकी प्रदेश सरकारले चालु आर्थिक वर्षकोे नीति र कार्यक्रममार्फत नीतिगत अनुमति दिएपछि डायलोसिस सेवा सुरु गर्ने तयारीमा जुटेको जिल्ला अस्पताल पर्वतले जनाएको छ ।

गण्डकी प्रदेश सरकारले चालु आर्थिक वर्षका लागि १० लाख बजेटसमेत विनियोजन गरेको छ । उक्त रकमले डायलोसिस कक्षको तयारी तथा व्यवस्थापन मात्र हुने अस्पताल व्यवस्थापन समिति अध्यक्ष गोविन्द पहाडीले बताए । विभिन्न संघ, संस्था, निकाय र व्यक्तिको सहयोगमा कम्तीमा ५ वटा डायलोसिस मेसिन व्यवस्था गरी सेवा सुचारु गरिने पहाडीको भनाइ छ ।

यो सेवा सुरु भएपछि मृगौला रोगबाट पीडित र मृगौला प्रत्यारोपण गर्न नसकेकाका लागि ठूलो राहत हुने भएको छ । अहिले पनि मृगौला पीडितले डायलोसिस सेवा लिन अन्य जिल्लामा जानुपर्ने र धेरै दिन पालो कुर्नुपर्ने समस्या छ । पर्वतमा यो सेवा सुरु भएपछि पर्वत, बागलुङ र म्याग्दीका बासिन्दा लाभान्वित हुने भएका छन् ।

सम्बन्धित खबर