सोमबार, ३० भदौ २०७६
samadhannews
रवी पत्नीको जाहेरी लिन अस्वीकार

रवी पत्नीको जाहेरी लिन अस्वीकार

बिहिबार, ०५ भदौ २०७६
1630 पटक पढिएको

समाधान संवाददाता
काठमाडौं

न्युज ट्वान्टी फोरका कार्यक्रम प्रस्तोता रवी लामिछानेकी पत्नी निकीता पौडेलले भिडियो कीर्ते गरेको आरोपमा चितवन एसपी दानबहादुर मल्ल, जनआस्थाका सम्पादक किशोर श्रेष्ठ र नेपाल आजका सम्पादक संकेत कोइरालाविरुद्धको जाहेरी काठमाडौं प्रहरीले लिन अस्वीकार गरेको छ।

जाहेरी दर्ताका लागि बुधबार टेकुस्थित महानगरीय प्रहरी परिसर काठमाडौं पुगेकी निकितालाइ चितवन प्रहरीमा चलिरहेको मुद्दाका विषयमा काठमाडौंमा जाहेरी लिन नमिल्ने उल्लेख गर्दै फर्काइदिएको हो ।

पत्रकार शालिकराम पुडासैनीको मृत्यु प्रकरणमा पक्राउ परेका रवी लामिछानेसहित ३ जनालाई प्रहरीले अदालतबाट २ पटक म्याद थप गरी अनुसन्धान गरिरहेको छ । रवीलाई फसाउन खोजिएको भन्दै उनको समर्थकले जिल्ला प्रहरी कार्यालय चितवनमा प्रदर्शन जारी राखेका छन् । पुडासैनीलाई आत्महत्या गर्न उक्साएको अभियोगमा रवी लामिछानेसहित ३ जना काठमाडौबाट पक्राउ चितवन लगिएको हो ।

यसैबीच प्रेस काउन्सिलका कार्यवाहक अध्यक्ष किशोर श्रेष्ठले लामिछानेकी पत्नी निकीताले आफूसहित ३ जना विरुद्ध जाहेरी दर्ता गर्न खोजेको घटनाले आफ्नो मानमर्दन भएको बताएका छन् । उनले बुधबार सामाजिक सञ्जालमा आफ्नो धारणा व्यक्त गर्दै ‘शालिकराम प्रकरणको भिडियो उनकै परिवारबाट पाएर समाचार प्रकाशन र प्रशारण गरेको’ उल्लेख गरेका छन् ।

सम्बन्धित खबर