शुक्रबार, २९ कार्तिक २०७६
samadhannews
शालिकराम आत्महत्या प्रकरणः रवि लामिछानेको बयान आज

शालिकराम आत्महत्या प्रकरणः रवि लामिछानेको बयान आज

सोमबार, ०९ भदौ २०७६
1470 पटक पढिएको

पत्रकार शालिकराम पुडासैनीको आत्महत्या प्रकरणमा ‘आत्महत्या दुरुत्साहन’ मुद्दा लागेका न्युज २४ टेलिभिजनका कार्यक्रम प्रस्तोता रवि लामिछानेसँग आज बयान लिइने भएको छ ।

जिल्ला सरकारी वकिल कार्यालयले लामिछानेसहित ‘सिधा कुरा जनतासँग’ कार्यक्रमका युवराज कँडेल र अस्मिता कार्की भनिने रूकुलाई दुरूत्साहनको अभियोगमा आइतबार जिल्ला अदालत चितवनमा मुद्दा दायर गरेको थियो । 

जिल्ला अदालत चितवनका श्रेस्तेदार रूद्रमणि गिरीका अनुसार सोमबार रवि लामिछानेको बयान हुन्छ । जिल्ला न्यायाधीश हेमन्त रावलको इजलासमा बयान जारी छ ।

लामिछानेसहित तीन जनालाई पाँच वर्ष जेल र ५० हजार जरिवाना माग गर्दै सरकारी वकिल कार्यालयले मुद्दा दायर गरेको थियो ।

सम्बन्धित खबर