सोमबार, ३० भदौ २०७६
samadhannews
होटल तथा किचनवयरका लागि पोखरामा खुल्यो युनिको ट्रेडर्स

होटल तथा किचनवयरका लागि पोखरामा खुल्यो युनिको ट्रेडर्स

सोमबार, ०९ भदौ २०७६
10070 पटक पढिएको

समाधान संवाददाता
पोखरा

पोखराको लेकसाइडमा होटल तथा रेष्टुरेन्टमा प्रयोग हुने ‘किचन र होटलवयर’को सोरुम युनिको ट्रेडर्स सञ्चालनमा आएको छ । अन्तर्राष्ट्रिय बजारसँग प्रतिस्पर्धा गर्न सक्ने गरी खानाका परिकार मेनुमा पछिल्लो समय समावेश गरिएको भएपनि त्यसअनुरुपको किचनवयरका स्तरीय सामग्री बजारमा ल्याइएको हो ।

पहिलोपटक पोखरालक्षित गरेर ट्रेडर्स सञ्चालनमा ल्याइएको सञ्चालक सुन्दर गुरुङले जानकारी दिए । बजार विस्तार गर्ने क्रममा अनलाइन मार्फत देशभरीमै डिमान्डको आधारमा सेवा दिन सकिने उनले सुनाए । सोरुममा चाइनिज बोडिमा किचनवयर कम्पनीका सामग्रीसमेत समावेश गरिएको उनको भनाइ छ ।

चाइनाका विभिन्न सहरबाट सामान भित्र्याइएको अर्का सञ्चालक रोहित श्रेष्ठले बताए । कप, प्लेट, चम्चा आधुनिक तर परम्परागत जस्ता देखिने किचन तथा होटलवयरका सामग्रीले पोखराको बजारमा छिटै प्रवेश पाउने अपेक्षा लिएको सञ्चालकद्वयको विश्वास छ ।

‘लामो योजनापछि आफ्नै गृहनगरबाट व्यवसाय थालेका छौं,’ सञ्चालक सुन्दर गुरुङले भने, ‘पर्यटकीय हब पोखरामा बजार पाउनेमा हामी विश्वस्त पनि छौं । यहाँका होटल र रेष्टुरेन्ट धेरै ब्रान्ड कन्सियस भएको हुँदा पनि उत्साही भएर बजारमा आएका छौं ।’
सोरुम लेकसाइडस्थित स्ट्रिट नम्बर १५ पहारीमार्गमा अवस्थित छ ।

सम्बन्धित खबर