सोमबार, ३० भदौ २०७६
samadhannews
नदीपुरमा क्लब स्तरीय भलिबल सुरु

नदीपुरमा क्लब स्तरीय भलिबल सुरु

बुधबार, १८ भदौ २०७६
730 पटक पढिएको

समाधान संवाददाता
पोखरा

पोखराको नदिपुरमा दोस्रो संस्करणको क्लब स्तरीय भलिबल प्रतियोगिता सुरु भएको छ । भदौ २१ गतेसम्म हुने प्रतियोगिता मंगलबारदेखि सुरु भएको हो । उद्घाटन खेलमा पोखरा भलिबल प्रशिक्षण केन्द्र टिम ‘ए’ ले पिबिटी युनाइटेडलाई सोझो सेटमा पराजित गर्‍यो ।

दोस्रो खेलमा शान्ता भलिबल प्रशिक्षण केन्द्रलाई छन्त्याल समाजले सोझो सेटमै पराजित गर्दै अघिल्लो चरणमा प्रवेश गर्‍यो । तेस्रो खेलमा स्याङ्जाको अनुपस्थितिमा विभागिय टोली एपीएफ टिम ‘बी’ बिजयी बन्यो । यसअघि कास्की जिल्ला खेलकुद विकास समितिका निवर्तमान अध्यक्ष याम गुरुङले प्रतियोगिता उद्घाटन गरेका थिए । गुरुङले खेलकुदको विकासका लागि उक्त प्रतियोगिताले महत्वपूर्ण भूमिका खेल्ने बताए । खेलकुदले शरीर स्वस्थ राख्न, मर्यादित र अनुशासित हुन सिकाउने बताए ।

प्रतियोगितका खेलकुद संयोजक अनिल गुरुङले क्लब स्तरीय पुरुष भलिबलतर्फ १४, महिलातर्फ ९ र भेट्रान्सतर्फ ६ टिमको सहभागिता रहेको बताए । गुरुङले उक्त प्रतियोगिताकोे पुरुषतर्फको विजेता टिमलाई सिल्ड, मेडल तथा प्रमाणपत्रसहित नगद ६० हजार प्रदान गरिने बताए । उपविजेता टिमले सिल्ड, मेडल तथा प्रमाणपत्रसहित नगद ४० हजार प्राप्त गर्नेछ ।

महिला तर्फका विजेता र उपविजेता टिमलाई क्रमश सिल्ड, मेडल तथा प्रमाणपत्रसहित नगद २० र १४ हजार प्रदान गरिनेछ । भेट्रान्सतर्फको विजेता टिमले सिल्ड, मेडल तथा प्रमाणपत्रसहित नगद १५ हजार र उपविजेता टिमले नगद १० हजार प्राप्त गर्ने छन् ।

सम्बन्धित खबर