सोमबार, ०६ माघ २०७६
samadhannews
nepal telecome

पत्रकार ओम हमालको रिहाइको माग गर्दै धर्ना

बुधबार, १८ भदौ २०७६
1550 पटक पढिएको

समाधान संवाददाता, पाेखरा

पोखराका पत्रकार ओम हमालको रिहाइको माग गर्दै पोखराका पत्रकारले जिल्ला प्रशासन कार्यालय कास्की अगाडि धर्ना दिएका छन् ।

नेपाल पत्रकार महासंघ कास्कीको अगुवाइमा प्रशासनको मूल गेटमा बुधबार धर्ना दिइएको हो ।

पत्रकारहरूले धर्नाको साथै हमालको रिहाइको माग गर्दै प्रधानमन्त्री केपी शर्मा ओली र गृहमन्त्री रामबहादुर थापालाई कास्की प्रशासनमार्फत् ज्ञापनपत्र बुझाएका छन् ।

कास्कीका सहायक प्रमुख जिल्ला अधिकारी श्रीनाथ पौडेलमार्फत् प्रधानमन्त्री र गृहमन्त्रीलाई ज्ञापनपत्र बुझाइएको हो ।

नेपाल पत्रकार महासंघ कास्की शाखाका साधारण सदस्य रहेका पत्रकार हमाललाई गैरकानुनी रूपमा थुनामा राखिएकोले तुरुन्त बिनासर्त रिहाइको माग पत्रकारहरूले गरेका छन् ।

विप्लव समूहको कार्यकर्ताको आरोपमा पत्रकार हमाल भदौ ६ गते कास्कीको शिशुवाबाट पक्राउ परेका थिए ।

उनलाई रिहा गर्न सर्वोच्च अदालते मंगलबार बन्दी प्रत्यक्षीकरण रिट जारी गरेको थियो । तर, रिहा भएलगत्तै सर्वोच्च अदालतको गेटबाटै प्रहरीले फेरि पक्राउ गरेको थियो। पत्रकार हमाल जनसञ्चार डट कमका सम्पादक हुन् ।


सम्बन्धित खबर