सोमबार, २७ असोज २०७६
samadhannews
bindedswori home decore

वुमेन्स बिकिनी एन्ड फिजिक च्याम्पियनसिप भोलि

शुक्रबार, १० असोज २०७६
480 पटक पढिएको

समाधान संवाददाता
पोखरा

पोखरा सभागृहमा शनिबार हुने ‘वुमेन्स बिकिनी एन्ड फिजिक च्याम्पियनसिपको तयारी पूरा भएको छ । गोर्खा क्लासिक नेपालले आयोजना गर्ने पहिलो संस्करणको ‘वुमेन्स बिकिनी एन्ड फिजिक च्याम्पियनसिप’ को सम्पूर्ण तयारी पूरा भएको आयोजक संस्थाका अध्यक्ष कुमार गुरुङले जानकारी दिए ।

उनका अनुसार दिउँसो १ बजेदेखि कार्यक्रम सुरु हुनेछ । उनले शारीरिक सुगठन खेलप्रति महिलालाई सक्रिय गराई र व्यावसायिक बनाउने लक्ष्यसहित च्याम्पियनसिप आयोजना गरेको बताए । बिकिनी र फिजिक गरी २ विधामा खेलाडीले प्रतिस्पर्धा गर्ने उनले बताए ।

उनका अनुसार फिजिकतर्फका विजेताले २ लाख प्राप्त गर्नेछन् भने उपविजेता र सान्त्वना स्थान हासिल गर्ने खेलाडीले क्रमश १ लाख ५ हजार र ८० हजार प्राप्त गर्नेछन् ।

त्यस्तै बिकिनीतर्फको विजेता खेलाडीलाई ८० हजार प्रदान गरिने गुरुङले बताए । उनका अनुसार उपविजेता खेलाडीलाई ६० हजार र सान्त्वना हुने खेलाडीलाई ५० हजार प्रदान गरिनेछ ।

प्रतियोगितामा एउटा खेलाडीले १ विधामा मात्र भाग लिन पाउने बताउँदै उपाधिका लागि ३ चरण पार गर्नुपर्ने उनले जानकारी दिए । गोर्खा क्लासिक नेपालका सचिव भरत गुरुङले प्रतियोगितामा खेलाडीको उचाइको आधारमा सहभागी गराइने बताए ।

गुरुङले देशभरबाट अहिलेसम्म १५ भन्दा बढी खेलाडीले नाम दर्ता गरिसकेको बताए । कार्यक्रममा आइएफबीबी प्रो विनीता राईको विशेष प्रस्तुति रहने र जुम्बा तथा टिकटक सोसमेत समावेश गरिएको आयोजकले जनाएको छ ।

सम्बन्धित खबर