सोमबार, २७ असोज २०७६
samadhannews
bindedswori home decore

क्लबस्तरीय भलिबल सेमिफाइनमा

शुक्रबार, १० असोज २०७६
660 पटक पढिएको

समाधान संवाददाता, पोखरा

पोखरा भलिबल प्रशिक्षण केन्द्रको आयोजनामा नदीपुरमा जारी तेस्रो संस्करणको क्लबस्तरीय भलिबल प्रतियोगितामा अन्तिम ४ समूह छनोट भएका छन् । प्रतियोगितामा आयोजक रातो, सहारा क्लब बागलुङ, पर्वत भलिबल संघ र मार्बल इन्टरप्राइजेज छनोट भएका हुन् ।

छन्त्याल समाजको खेलमैदानमा बिहीबार भएको पहिलो क्वाटरफाइनल खेलमा आयोजक रातोले २५–२०, २३–२५ र २५–१२ को सेटले भूपू गाइजलाई पछारेको थियो । दोस्रो क्वाटरफाइनल खेलमा सहारा क्लब बागलुङले २५–११ र २५–१९ को सोझो सेटले आयोजक पहेँलोलाई पाखा लगाउँदै सेमिफाइनलको यात्रा चुमेको छ । तेस्रो खेलमा पर्बत भलिबल संघले २५–२१ र २५–२० को सोझो सेटले छन्त्याल युवा क्लब म्याग्दी चोकलाई हराउँदै आयोजक रातोसँगको भेट पक्का गर्न सफल भएको थियो ।

अन्तिम क्वाटरफाइनल खेलमा मार्बल इन्टरप्राइजेज बिरौटाले २५–१४ र २५–२१ को सोझो सेटले पाखा लगाउँदै सेमिफाइनलमा सहारा क्लबको निम्तो पाएको थियो । प्रतियोगिता संयोजक तथा राष्ट्रिय भलिबल रेफ्री अनील गुरुङले शुक्रबार महिला तथा भेट्रान्सतर्फको खेल सञ्चालन गरिने बताए । उनले पुरुषतर्फको सेमिफाइनल खेल शनिबार खेलाइने जानकारी दिए । प्रतियोगितामा पुरुषतर्फको बिजेता टिमलाई सिल्ड, मेडल तथा प्रमाणपत्रसहित नगद ५५ हजार ५ सय ५५ रुपैयाँ प्रदान गरिनेछ ।

खेलमा उपबिजेता समूहले सिल्ड, मेडल तथा प्रमाणपत्र र नगद ३५ हजार ५ सय ५५ रुपैयाँ प्राप्त गर्नेछन् । महिलातर्फको बिजेता र उपबिजेता टिमलाई क्रमश सिल्ड, मेडल तथा प्रमाणपत्रसहित नगद २० र १३ हजार प्रदान गरिने आयोजकले जनाएको छ ।

सम्बन्धित खबर