बुधबार, २७ कार्तिक २०७६
samadhannews
मुस्ताङमा नेपाल टेलिकमले द्रुत गतिको फोर जी सेवा ल्याउने

मुस्ताङमा नेपाल टेलिकमले द्रुत गतिको फोर जी सेवा ल्याउने

शुक्रबार, १० असोज २०७६
2340 पटक पढिएको

एसके थकाली, जोमसोम

नेपाल टेलिकम मुस्ताङ शाखाले दशै अगावै द्रुत गतिको फोर जी सेवा संञ्चालनमा ल्याउने भएको छ । धार्मिक तथा पर्यटकीय जिल्लामा आउने पर्यटकको ईन्टरनेट सुविधा सहज बनाउन फोर जी सेवा संञ्चालनमा ल्याउन लागेको नेपाल टेलिकम मुस्ताङ शाखाका कार्यालय प्रमुख सुमनराम श्रेष्ठले जानकारी दिए । श्रेष्ठका अनुसार पहिलो चरणमा मुस्ताङको पवित्र धार्मिक स्थल मुक्तिनाथ र सदरमुकाम जोमसोममा जीएसएम फोर जी सेवा संञ्चालनमा ल्याईने छ ।

फोर जी सेवा संञ्चालनका लागि थ्रि फेस बिद्युत लाईन आवश्यकता पर्ने भएकाले यसको पहुँचको आधारमा ४ सेवा क्रमशः विस्तार हुने कार्यालय प्रमुख श्रेष्ठको भनाई छ । फोर सेवा मार्फत ईन्टरनेट प्रयोगकर्ताले तिब्र गतिको ईन्टरनेट उपयोग गर्न सक्ने श्रेष्ठले जानकारी दिए । उनका अनुसार फोर जी ईन्टरनेट सेवा मार्फत ईन्टरनेट प्रयोगकर्ताले आवश्यकता अनुसार डाटा प्याक खरिद गरी ईन्टरनेट उपयोग गर्न सक्नेछन् ।

फोर जी मार्फत हाई भिडियो स्क्रिमिङ र हाई गेम स्क्रिमिङ डाउनलोड र प्रयोग गर्न सकिने श्रेष्ठले बताए । उनले ४ जी सेवामा डाटा खरिद वापत थप जीबी वोनस प्राप्त गर्न सकिने जनाए । नेपाल टेलिकमले देशका विभिन्न जिल्लाहरुमा फोर जी सेवा संञ्चालनमा ल्याउन लागेको हो । टेलिकमले यसअघि काठमान्डौ र बाग्लुङमा यो सेवा संञ्चालनमा ल्याईसकेको छ । टेलिकम मुस्ताङले यसअघि थ्रिजी सेवा संञ्चालनमा ल्याईसकेको कार्यालय प्रमुख श्रेष्ठले जानकारी दिए

सम्बन्धित खबर