सोमबार, २७ असोज २०७६
samadhannews
bindedswori home decore

पत्रकार कोइरालालाई अमेरिकी फेलोसिप

मङ्गलबार, १४ असोज २०७६
4460 पटक पढिएको

समाधान दैनिकका कार्यकारी सम्पादक भरत कोइरालाले अमेरिकी राजदूतावासको सहयोगमा सेयरकास्ट इनिसिएटिभले सञ्चालन गरेको फेलोसिप पाएका छन् ।

अमेरिकी राजदूत र्‍यान्डी बेरीले मंगलबार आयोजित समारोहमा उनलाई नगद ७० हजार र प्रमाणपत्र प्रदान गरे । कोइराला गण्डकी प्रदेशबाट छानिएका फेलो हुन् ।

विभिन्न चरणमा आयोजना गरिएको लेखनवृत्ति खोज पत्रकारिता राष्ट्रिय पुरस्कार नागरिक दैनिककी चितवन संवाददाता सविता श्रेष्ठले पाइन् । उनले २ लाख रुपैयाँ पाएकी छन् । स्थानीय तहमा कानुन बनाउन भइरहेको सकससम्बन्धी उनको आलेख सर्वाेत्कृष्ट ठहरिएको हो ।

प्रदेश १ बाट प्रेमबहादुर कार्कीढोली, २ बाट सुरेश विडारी, प्रदेश ३ बाट सबिता श्रेष्ठ, प्रदेश ५ बाट शंकरप्रसाद खनाल, कर्णालीबाट चाँदनी कठायत, प्रदेश ७ बाट निर्मला कठायत उत्कृष्ट भएका छन् । समाधानका कार्यकारी सम्पादक कोइराला र उनीहरुले पनि जनही ७०÷७० हजार रुपैयाँ पाएका छन् ।

सेयरकास्टले देशका सातै प्रदेशका ८ मुख्य सहरमा खोज पत्रकारिता रिपोर्टिङ प्रतिश्पर्धा आयोजना गरेको थियो । २ सय ८७ पत्रकारमध्येबाट विभिन्न चरणमा सहभागी भएर २४ जनाले पहिलो चरणमा जनही ३० हजार फेलोसिप पाएका थिए ।

सम्बन्धित खबर