शनिबार, ०४ माघ २०७६
samadhannews
nepal telecome

झलकमानका गीत जापानमा गुञ्जने

मङ्गलबार, ०५ कार्तिक २०७६
1360 पटक पढिएको

समाधान संवाददाता
पोखरा

जापानको कोमागाने सहरमा आयोजना हुने मिनाकोओ विश्व सांस्कृतिक महोत्सवमा सहभागी हुन पोखरेली कलाकारको ३ सदस्यीय टोली जाने भएको छ । कार्यक्रममा सहभागी हुन जाने टोलीलाई पोखरा महानगरपालिका प्रमुख मानबहादुर जिसीले सोमबार बिदाइ गरे । टोलीमा सहभागी धनबहादुर गायक, विवेक गायक र प्रतीक थापालाई महानगर प्रमुख जिसीले माला लगाएर बिदाइ गरेका हुन् ।

टोली अक्टोबर २४ गते जापानको कोमागाने प्रस्थान गर्नेछ । कार्यक्रममा नेपाली लोक धुन र लोक गीतहरु प्रस्तुत गरिने टोलीमा सहभागी धनबहादुर गायकले बताए । उनले भने, ‘मादल, अबार्जा, सारंगी बजाएर झलकमान गन्धर्वका गीतसँगै कौडा गीत प्रस्तुत गर्ने योजना छ ।’ ‘हाम्रा मौलिक बाजा र १२ नेपाली लोक गीतबाट पोखरा र नेपाल चिनाउने छांै’, उनले भने, ‘झलकमानको राधा पियारी, पानको पात, कहाँ होनी कौरा, कलिलो तामाले, मखमली चोली, सक्यौ नानी र तिहारको गीत प्रस्तुत गर्ने छौं ।’

कलाकार जापानको कोमागाने सहरको सिटिजन्स एसोसिएसनको निमन्त्रणामा जान लागेका हुन् । कलाकार बिदाइ कार्यक्रममा महानगरका मेयर मानबहादुर जिसीले नेपाली कलासंस्कृतिको प्रचारसँगै पोखरा र कोमागानेबीच सांस्कृतिक आदानप्रदान हुने विश्वास व्यक्त गरे । उनले पोखरेली कलाकारले सांस्कृतिक सम्बन्धलाई थप मजबुत बनाउने बताए । ‘२ सहरका नागरिक बीचको सम्बन्धलाई कार्यक्रमले थप मजबुत बनाउने विश्वास लिएको छु’, प्रमुख जिसीले भने, ‘पोखराको तर्फबाट कोमागानेका जनतालाई सम्झना सुनाइदिनुहोला र पोखराको प्रतिनिधित्व गरेर जाने कलाकारले राम्रोसँग आफ्नो प्रस्तुति राख्नुहोला ।’

सांस्कृतिक आदान प्रदान गर्ने उद्देश्यले कोमागाने सरहमा उक्त कार्यक्रम आयोजना गरिएको र महानगरको प्रतिनिधित्व गरेर ३ जना कलाकार जान लागेको पोखरा कोमागानेमैत्री एसोसिएसन पोखराका सचिव महेन्द्रबहादुर गोदारले जानकारी दिए ।ध

सम्बन्धित खबर