सोमबार, २५ कार्तिक २०७६
samadhannews
विजय क्षेत्रीको अध्यक्षतामा कास्की जिल्ला किक बक्सिङ संघ गठन

विजय क्षेत्रीको अध्यक्षतामा कास्की जिल्ला किक बक्सिङ संघ गठन

मङ्गलबार, ०५ कार्तिक २०७६
640 पटक पढिएको

समाधान संवाददाता
पोखरा

कास्कीमा खेलप्रेमी तथा मार्सल आर्ट खेलाडीको भेलाले विजय क्षेत्रीको अध्यक्षतामा कास्की जिल्ला किक बक्सिङ संघ गठन गरिएको छ । कास्कीमा मार्सल आर्ट खेलमध्ये किक बक्सिङ संघ पहिलो पटक आधिकारिक रुपमा दर्ता भएको कास्की खेलकुद विकास समितिका कार्यालय प्रमुख प्रकाश बरालले जानकारी दिए ।

नव गठित संघको उपाध्यक्ष राजेशबहादुर कार्की, सचिव विष्णु नेपाली, कोषाध्यक्ष मोहित नेपाली र सहसचिव मेनुका नेपाली छन् । सदस्यहरु जंगबहादुर हमाल ठकुरी, दिलीप परियार, सोहन गुरुङ, मसिना राई, छायाँ मानन्धर, चिरञ्जीवी पौडेल र विक्रम शाही ठकुरी छन् ।

संघका अध्यक्ष क्षेत्रीले कास्की जिल्लामा छरिएर रहेका किक बक्सिङ खेलाडीलाई एक ठाउँमा ल्याउने र उनीहरुलाई आगामी दिनमा थप प्रशिक्षणको व्यवस्था मिलाउन आफूले पहल थाल्ने बताए । उनले भने, ‘अहिले हामी एकदमै सुरुआती चरणमा छौं, धेरै देशमा खेलिने यो लोकप्रिय मार्सल आर्ट खेललाई कास्कीमा स्थापित गर्न प्रयास गर्नेछौं ।’

सम्बन्धित खबर