मङ्गलबार, २७ साउन २०७७
samadhannews
Bardan Online

‘भिर्नी झोलामा’ लोभिए दर्शक

बिहिबार, ०७ कार्तिक २०७६
2700 पटक पढिएको

समाधान संवाददाता
पोखरा

पछिल्लो समय लोक दोहोरी गीतहरु दर्शक स्रोतामाझ लोकप्रिय बन्दै गएका छन् । हरेक महिनाजस्तो राम्रा गीतहरु बजारमा आइरहेका छन् ।

लोकप्रिय गायक तथा सञ्चारकर्मी कृष्ण अखेली र गायिका सरस्वती लामिछानेको गीत यसै साता बजारमा आएको छ । ‘भिर्नी झोलामा’ नामक गीतलाई यतिखेर निकै रुचाइएको छ । टिकटकदेखि सामाजिक सञ्जालमा गीतको चर्चा हुन थालेको छ । गायक अखेलीको संगीत रहेको उक्त गीतमा शिव अखेलीको शब्द रहेको छ ।

सुनील क्षेत्रीको निर्देशन रहेको भिडियोमा सुनीलसँगै रक्षा श्रेष्ठले कम्मर मर्काएकी छन् । गीतलाई दुर्गा पौडेलले खिचेका हुन् ।

तिर्सना म्युजिकले गीतलाई बजार व्यवस्थापन गरेको छ । यसअघि गायक कृष्ण अखेली र सरस्वती लामिछाने ‘भाडा तिरौंला र ‘बतासे पानी’ नामक गीतमा सहकार्य भएको थियो । यो गीत छोटो समयमा दर्शकले रुचाउँदा खुसी लागेको अखेली बताउँछन् ।

‘मिहेनत गरेर काम गर्यो भने स्रोता, दर्शकले मन पराउनुहुँदो रहेछ,’ उनले भने, ‘गीत बजारमा आएको छोटो समयमा राम्रो प्रतिक्रिया आइरहेको छ । हौसला बढिरहेको छ ।’

सम्बन्धित खबर