शनिबार, १० फागुन २०७६
samadhannews
nepal telecome

कपिलवस्तुको कृष्णनगरमा अनिश्चितकालीन कर्फ्यू

बिहिबार, १४ कार्तिक २०७६
1590 पटक पढिएको

समाधान संवाददाता, काठमाडाैं

कपिलवस्तुको कृष्णनगरमा लक्ष्मी पूजाको मूर्ति विसर्जन गर्ने क्रममा दुई समूहबीच झडप भएपछि अनिश्चितकालका लागि कर्फ्यू लागेको छ ।

मूर्ति विसर्जन गर्ने क्रममा हिन्दु र मुसलमानबीच झडप भएपछि कपिलवस्तु जिल्ला प्रशासन कार्यालयले तनाव नियन्त्रण गर्न कर्फ्यू जारी गरेको हो ।

बिहीबार ११ बजेदेखि कृष्णनगर भन्सार कार्यालयदेखि उत्तरतर्फ ७०० मिटर, पश्चिमतर्फ ३०० मिटर क्षेत्रभित्र कर्फ्यू जारी गरिएको प्रमुख जिल्ला अधिकारी गजेन्द्र बहादुर श्रेष्ठले जानकारी दिए ।

त्यस स्थानमा बढ्दो तनावलाई नियन्त्रण गर्न प्रहरीले अश्रुग्यास समेत प्रहार गरेको श्रेष्ठले बताए ।

'अहिले तनाव बढिरहेको छ, गत वर्ष पनि यस्तै झडप भएको थियो', उनले भने,'नियन्त्रणमा आएपछि कर्फ्यू फुकाउँछौं ।'

कर्फ्यूको अवज्ञा गरेमा कानुनबमोजिम कारबाही समेत हुने कार्यालयले चेतावनी दिएको छ ।

सम्बन्धित खबर