बिहिबार, ०८ फागुन २०७६
samadhannews
nepal telecome

अरुणाको कप्तानीमा महिला भलिबल टोली

बुधबार, २० कार्तिक २०७६
1520 पटक पढिएको

समाधान संवाददाता
काठमाडाैं

बंगलादेशमा यसै साता सुरु हुने प्रथम एभिसी सेन्ट्रल जोन महिला भलिबल च्याम्पियनसिपका लागि नेपाली टोलीको घोषणा भएको छ । नेपाल भलिबल संघले थाइल्यान्ड भ्रमणबाट फर्किएको भोलिपल्टै मंगलबार अरुणा शाहीको कप्तानीमा १२ सदस्यीय नेपाली टोलीको घोषणा गरेको हो ।

टोलीमा कप्तान अरुणासँगै सरस्वती चौधरी, प्रतिभा माली, निरुता ठगुन्ना, अरुणा शाही, जानकी भण्डारी, सोफिया पुन, उषा विष्ट, सुनीता खड्का, कमला पुन, रेश्मा भण्डारी, पुनम चन्द र सलिना श्रेष्ठ छन् ।

उषा भण्डारी, संगम महतो, शान्ति तामाङ, आरती सुवेदी, शान्ति थारु र हीरा केसी भने टोलीमा अटाउन सकेनन् । भलिबल संघले मंसिरमा घरेलु मैदानमा हुने १३ औं दक्षिण एसियाली खेलकुद (साग) को लागि भने टोली फेरबदल हुनसक्ने बताएको छ ।

१२ सदस्यीय नेपाली टोलीे बिहीबार बंगलादेश प्रस्थान गर्नेछ । सेन्ट्रल जोन भलिबल शुक्रबार सुरु हुँदै छ । सेन्ट्रलजोन भलिबलपछि नेपालले घरेलु मैदानमा साग खेल्नेछ ।

सम्बन्धित खबर