शुक्रबार, १० माघ २०७६
samadhannews
nepal telecome

दोहोरी गीत प्रतिष्ठानमा रमेश बिजी

मङ्गलबार, १० मङि्सर २०७६
760 पटक पढिएको

समाधान संवाददाता, पोखरा

राष्ट्रिय लोक तथा दोहोरी गीत प्रतिष्ठान नेपालको पोखरामा भएको सातौ महाधिवेशनबाट अध्यक्षमा रमेश बिजी निर्वाचित भएका छन् । आफ्ना निकतम प्रतिद्वन्द्वी विष्णु खत्रीलाई ३९ मतले पछि पार्दै बिजी आगामी ३ वर्षे कार्यकालका लागि निर्वाचित भएका हुन् ।

निर्वाचनमा बिजीले ५ सय ८४ र खत्रीले ५ सय ४५ मत ल्याएको प्रमुख निर्वाचन अधिकृत रोहितराज बास्तोलाले जानकारी दिए । मंसिर ६ दखि ८ गतेसम्म भएको महाधिवेशनमा १ हजार ३ सय ४८ मतदातामा १ हजार १ सय ३८ मत अर्थात ८४ दशमलव ३४ प्रतिशत खसेको थियो । वरिष्ठ उपाध्यक्षमा रीता थापामगर, प्रथम उपाध्यक्ष पशुपति शर्मा, द्वितीय उपाध्यक्ष रामजी खाँड, महिला उपाध्यक्ष राधिका हमाल पुन, महासचिव सुवास केसी, उपमहासचिवद्वय शंकर बिसी र शिव हमाल, सांगठनिक सचिव खुमन अधिकारी, महिला सचिव जमुना रानामगर र सहकोषाध्यक्ष महिलामा पूर्णकला बिसी निर्विरोध भएका छन् ।

महाधिवेशनमा कोषाध्यक्षका लागि भएको निर्वाचनमा राजु ढकाल ७ सय ३७ मत ल्याएर निर्वाचित भएका छन् । उनका निकतम प्रतिद्वन्द्वी तारापति सुवेदीले ३ सय ७२ मत ल्याएका थिए । सहकोषाध्यक्षमा ईश्वरीप्रसाद भुसाल ६ सय ८० मत ल्याएर विजयी बने । उनका प्रतिद्वन्द्वी घनश्याम रिजालले ४ सय ६ मत पाए ।

प्रशासनिक सचिवमा कृष्ण रेउले ८ सय ४६ मत ल्याएर विजयी बनेका छन् । रेउलेका निकटतम प्रतिद्वन्द्वी पुरुषोत्तम थापाको पक्षमा २ सय ४५ मत खसेको थियो । प्रतिष्ठानको ७ खुला सचिवका लागि भएको निर्वाचनमा जीवन दाहाल ७ सय ८०, रमेशराज भट्टराई ७ सय ३३, कुलेन्द्र विश्वकर्मा ६ सय ७७, हरि डाँगी ६ सय २६, प्रचण्ड जिसी ६ सय ६, वसन्त थापा ५ सय ९०, पुष्कल शर्मा ५ सय ७३ मत ल्याएर विजयी भएको सहायक निर्वाचन अधिकृत नारायणप्रसाद शर्माले जानकारी दिए । प्रतिष्ठानको खुला सचिवमा १३ उम्मेद्वारले प्रतिस्पर्धा गरेका थिए ।

महिलातर्फ ७ केन्द्रीय सदस्यका लागि भएको निर्वाचनमा सम्झना लामिछानेमगर ९ सय १२, जानकी तरामीमगर ८ सय ६६, अन्जली अधिकारी ८ सय १०, जुना श्रीसमगर ७ सय ९८, अमृता लुंगेलीमगर ७ सय ६१, सरला पाण्डे ७ सय ३६, सीता राना ६ सय ३२ मत ल्याएर विजयी भएका छन् । महिला महिला सदस्यका लागि १० उम्मेद्वारबीच प्रतिस्पर्धा भएको थियो ।

महाधिवेशनबाट खुला १२ केन्द्रीय सदस्यका लागि भएको निर्वाचनमा देवी घर्ती सबैभन्दा बढी १ हजार १४ मत ल्याएर निर्वाचित भएकी छन् । खुलातर्फ पिएन सापकोटा ८ सय ७१, प्रकाश सपूत ७ सय ८५, पुरुषोत्तम भण्डारी ७ सय ७९, प्रकाश भट्ट ७ सय ५४, याम क्षेत्री ७ सय ३१, विमल अधिकारी ७ सय २३, महेन्द्र गौतम ६ सय ९९, दीपक गरौजामगर ६ सय ३०, सागर गुरुङ ५ सय ६६, विक्रम थापा ५ सय २८, युवराज मगर ५ सय २५ मत ल्याएर निर्वाचित भएका छन् । खुलातर्फ २० उम्मेद्वार बीच प्रतिस्पर्धा भएको थियो ।

भूगोलतर्फ केन्द्रीय सदस्यमा गण्डकीबाट तारानाथ आचार्य ३ सय ९७ मत ल्याएर विजयी भएका छन् । भूगोलतर्फ सुदुरपश्चिमबाट नवीन धामी ५ सय ९३ मतका साथ विजयी बनेका छन । प्रदेश १ बाट विष्णुप्रसाद घिमिरे, प्रदेश २ बाट ईश्वरीप्रसाद पन्त, ३ बाट हिमाल घले, ५ बाट सन्दीप न्यौपाने, कर्णालीबाट उत्तम शर्मा, काठमाडौं उपत्यका समन्वय समितिबाट राजकुमार रायमाझी निर्वारोध भएका छन् । विदेश शाखा अन्तर्गत केन्द्रीय सदस्यमा रामकृष्ण बम मल्लले ७ सय ६७ र दुर्गा पंगेनीले ५ सय ५८ मत ल्याएर विजयी भएका छन् ।

‘हाम्रो अभियान, अग्रजलाई सम्मान नवप्रतिभालाई प्रोत्साहन भन्ने नाराका साथ भएको प्रतिष्ठानको महाधिवेशनबाट निर्वाचित अध्यक्ष, पदाधिकारी र सदस्यहरुलाई राष्ट्रिय लोक तथा दोहोरी गीत प्रतिष्ठान गण्डकी प्रदेश समितिले सोमबार औपचारिक कार्यक्रम गरी बधाई ज्ञापन गरेको छ ।

सम्बन्धित खबर