शुक्रबार, १० माघ २०७६
samadhannews
nepal telecome

‘को हुँ म’ म्युजिक भिडियो सार्वजनिक

मङ्गलबार, २४ मङि्सर २०७६
3030 पटक पढिएको

समाधान संवाददाता
पोखरा

नेपाल आइडल सिजन २ का उपविजेता बिक्रम बरालको सामाजिक सन्देशमूलक म्युजिक भिडियो ‘को हुँ म’ शनिबार सार्वजनिक गरिएको छ । गायक बरालले विद्या परियार ‘काले भाइ’ सँगको सहकार्यमा म्युजिक भिडियो तयार पारेका हुन् ।

गायक बरालले म्युजिक भिडियो धेरै कुराबाट पिरोलिएको व्यक्तिको संघर्ष र प्रेरणासँग जोडिएको बताए । नेपाल आइडलको उपविजेता भए पछिको निकालेको भिडियो आफ्नो लागि नौलो भएको उल्लेख गर्दै उनले परिवार, समाज, साथीभाइ र गरिबीको कारण निरास भएको व्यक्तिलाई भिडियोले उत्साही बन्न प्रेरणा दिने धारणा राखे ।

‘गीतको शब्द र भाव धेरै राम्रो छ,’ उनले भने, ‘मेरो संघर्षसँग जेडिएको गीत सबैलाई मन पर्छ ।’ गायक बरालले अनेक खालका पिर र समस्याको कारण निरास भएको व्यक्तिलाई भिडियोको सन्देशले उत्साह थप्ने बताए । निर्माता माइते तामाङले जीवनलाई हल्का रुपमा लिएर मानिसले आत्महत्यासमेत गर्न सक्ने उल्लेख गरे । त्यस्तो व्यक्तिलाई गीतले आफ्नो जीवन बुझेर संघर्ष गर्ने प्रेरणा दिएको चर्चा गर्दै उनले तामाङले जति बढी समस्याको सामना गर्छ, त्यतिनै परिपक्क बन्ने बताए ।

वर्निङ ट्वीग प्राइभेट लिमिटेडका अध्यक्ष क्षितिज तिवारीले म्युजिक भिडियोमा पहिलो पटक मल्टिपल एक्सपोजर टेक्निकको प्रयोग गरेको जनाए । संगीतकार सुवास गुरुङले गायक बिक्रम बरालसँग काम गर्दा सुरुमा डर लागे पनि धेरै कुरा सिक्ने अवसर पाएको बताए । गीतका रचनाकार काले भाइले सबैको समन्वय र सहकार्यमा उत्कृष्ट म्युजिक भिडियो बनाएको दावी गरे ।

सम्बन्धित खबर