सोमबार, ०६ माघ २०७६
samadhannews
nepal telecome

काम गर्दै पोखरा महानगर, डेभिजफलमा सिसाको पुल, सराङकोटमा पार्क र सेती गर्जेज पिपिपी मोडेलमा बन्दै, सहरी योजना आयोग, महानगरीय खेलकुद विकास समिति बन्ने

शनिबार, ०५ पुष २०७६
21320 पटक पढिएको

समाधान संवाददाता

पोखरा महानगरको छैटांै नगर तथा विधानसभा माघ पहिलो साता तय भएको छ । महानगरको शुक्रबारको ३४ औं नगर कार्यपालिका बैठकले हिउँदमा हुने विधानसभाको मिति तोकेको हो ।

बैठकले महानगरको नीति नियम र कानुन बनाउने विधानसभा माघ ६, ७ र ८ गते गर्ने निर्णय गरेको महानगर प्रवक्ता धनबहादुर नेपालीले जानकारी दिए । महानगरको वर्षे नगरसभामा नीति तथा कार्यक्रम र बजेट प्रस्तुत गरिन्छ । ‘विधानसभामा तालिम, गोष्ठी तथा बैठक सञ्चालन कार्यविधि संशोधनको विषयलाई प्रस्तुत गर्ने तयारी भएको छ,’ प्रवक्ता नेपालीले भने, ‘सहरी योजना आयोग, महानगरीय खेलकुद विकास समिति र महानगर युवा परिषद गठन र कर्मचारीको सेवा, सुविधा तथा अवकासको सम्बन्धमा पर्याप्त छलफल गर्ने निर्णय गरेको छ ।’

बैठकले महानगरको वडा नम्बर ३३ का अध्यक्ष शिवप्रसाद आचार्य, ४ का अध्यक्ष शंकर बास्तोला र कार्यपालिकाका सदस्य सन्तु सुवेदीलाई पोखरा नगर विकास समिति सदस्यमा पठाउने निर्णय गरेको छ । मेयर मानबहादुर जिसीको अध्यक्षतामा भएको बैठकले सार्वजनिक निजी साझेदारी (पिपिपी) अन्तर्गत ३ परियोजना अगाडि बढाउने सैद्धान्तिक सहमति दिएको छ । पोखरा १७ को सिसाको पुल, वडा नम्बर १८ सराङकोटको पार्क र सेती गर्जेज परियोजना अघि बढाउन महानगरले सहमति दिएको हो ।

सिर्जनाचोकको आकासेपुलमा सिमेन्ट पिलरको सट्टामा स्टिलको पिलर राख्ने निर्णय भएको छ । आकासेपुलको जमिनमुनिको संरचना सिमेन्टको र जमिनमाथिका सबै संरचना स्टिलको बनाइने भएको छ । बैठकले महानगरभित्र बनेका घरको नक्साका बारेमा नयाँ निर्णय गरेको छ । अभिलेखीकरणभित्र नपरेका र मापदण्डभित्र बनेका घरलाई प्रमाणपत्र दिइने प्रवक्ता नेपालीले बताए । अभिलेखी करणभित्र नपरेका र मापदण्ड अनुरुप नबनेका घरलाई सम्पन्न प्रमाणपत्र नदिएर अभिलेखीकरणमात्र गर्ने निर्णय कार्यपालिकाको बैठकले गरेको छ ।

महानगरले फिर्केखोलाको विस्तृत परियोजना प्रतिवेदन (डिपिआर) तयार पार्न विषयगत विज्ञहरुको समिति बनाउने भएको छ । पोखराको सहरी क्षेत्रमा व्यावसायिक तथा प्रवद्र्धनात्मक हिसाबले राखिने डिजिटल बोर्डका बारेमा नीतिगत निर्णय गर्ने महानगरले तयारी गरेको छ । महानगरले निजीको हकमा डिजिटल बोर्ड राख्नका लागि निश्चित आकार र ठाउँ तोक्ने निर्णय गरेको छ ।

महानगरमा दर्ताका लागि निवेदन दिएका घ वर्गका १४ निर्माण कम्पनीको इजाजत नियम अनुसार स्कीकृत भएको छ । बैठकले सिर्जनाचोकको भवनको भाडा नतिरेकाले जस्ट इन टाइमसँग भएको सम्झौता खारेज गरेको छ । बैठकले प्रक्रिया पु¥याएर भाडा असुल गरी नयाँ ढंगले भवन व्यवस्थापन गर्ने निर्णयसमेत गरेको छ । पोखरा १३ स्थित पहिरोपानी, चिसापानी र मजुवा सडक स्तरोन्नतिको कामअघि बढाउने निर्णयसमेत महनगरले गरेको छ ।

सम्बन्धित खबर