शुक्रबार, १० माघ २०७६
samadhannews
nepal telecome

प्रदर्शनी केन्द्रमा आज गजुरियल सो

शुक्रबार, २५ पुष २०७६
760 पटक पढिएको

समाधान संवाददाता
पोखरा

नयाँबजारमा जारी समृद्धि स्टिल्स राष्ट्रिय औद्योगिक व्यापार मेलामा शुक्रबार हाँस्य कलाकार मनोज गजुरेलको विशेष प्रस्तुति रहने भएको छ । नियमित खुल्ला एकल नृत्य प्रतियोगिता तथा लोकदोहारीपछि मनोज मञ्चमा उक्लने आयोजक संस्था पोखरा उद्योग वाणिज्य संघका अध्यक्ष दामु अधिकारीले जानकारी दिए । यसैगरि मेलामा साँझ फेसन सोको पनि राखिएको छ ।

विभिन्न डिजाइनहरुले तयार पारेका पोसाकसहित मोडलहरु र्‍याम्पमा उतार्ने तयारी गरिएको साँस्कृतिक उपसमिति संयोजक सोभित पौडेलले जानकारी दिए । बिहीबारसम्म करिब ५८ हजार दर्शकले मेलाको अवलोकन गरेका संघका महासचिव तथा प्रचार–प्रसार उपसमिति संयोजक अर्जुन पोखरेलले जनाए ।

शुक्रबार लोकदोहोरीतर्फ बबिता बानिया, विक्रम परियार, दिलु लामा, केशव घिमिरे, प्रेम बस्याल, पार्वती गुरुङ, प्रेमराज अधिकारीलगायतको प्रस्तुति रहनेछ । विहीबार चर्चित लोकगायक प्रकाश सपुतको विशेष प्रस्तुतिमा दर्शकहरु झुमे । आधुनिक गायक राज सिग्देलले पनि सहभागीलाई भरपुर मनोरञ्जन दिए । मेला पुसको २८ गतेसम्म चल्ने छ । मेलाको प्रवेश टिकटमा दैनिक लक्की ड्रमार्फत प्रदान गरिने उपहारको लागि हनुमान प्याराग्लाइडिङ प्रालि, स्काइ बर्ड प्याराग्लाइडिङ प्रालि तथा द सोनिका अटोमार्ट प्रालिसँग सहकार्य भएको छ ।क

सम्बन्धित खबर