शुक्रबार, १० माघ २०७६
samadhannews
nepal telecome

तामाङ सुन्दरीको ट्यालेन्ट सो

आइतबार, २७ पुष २०७६
670 पटक पढिएको

समाधान संवाददाता
पोखरा

बैदाम तामाङ सेवा समाजको आयोजनामा हुन लागेको मिस तामाङ २०२० का प्रतिस्पर्धीबीच शनिबार ट्यालेन्ट राउन्ड भएको छ । सोनाम ल्होसारको अवसरमा समाजले ७ औं ल्होसार महोत्सव तथा चौंथो मिस तामाङ पोखरा आयोजना गर्दै छ ।

ट्यालेन्ट राउन्डमा प्रतियोगीले कविता, गायन, नृत्य तथा भाषणकलामार्फत आफ्नो प्रस्तुति राखेका थिए । ट्यालेन्ट राउन्डमा निर्णायक नेपाल तामाङ महिला घेदुङ कास्कीका कार्यवाहक अध्यक्ष पवित्रा तामाङ, पोखरा कला केन्द्रका प्रबन्ध निर्देशक राखीमाया तामाङ र नेपाल पत्रकार महासंघ कास्कीका कोषाध्यक्ष सञ्जय मल्ल थिए ।

बैदाम तामाङ सेवा समाजका अध्यक्ष ज्याक तामाङले मिस तामाङ पोखराका प्रतियोगीले तालिम अवधिमा तामाङ समुदायको भाषा, धर्म र संस्कारका साथै व्यक्तित्व र नेतृत्वसम्बन्धी जीवनोपयोगी ज्ञान हासिल गरेको बताए । कार्यक्रम संयोजक तथा मिस तामाङ पोखरा २०१८ कविता योञ्जनले मानिसले जन्मजात केही पनि सिकेर नआउने भन्दै आफूले पनि मिस तामाङको मञ्चबाट धेरै कुरा हासिल गरेको सुनाइन् । बैदाम तामाङ सेवा समाजका उपाध्यक्ष जयन्ती मोक्तानले आफ्नो संस्कार, भाषा र संस्कृतिबारे घरबाटै सिकाउन सुरु गर्नुपर्नेमा जोड दिइन् ।

पोखरा सभागृहमा माघ ४ गते शनिबार हुने प्रतियोगिताको विजेताले ताज, ट्रफी, प्रमाणपत्रसहित नगद १ लाखका साथमा म्युजिक भिडियोको अवसर र आकर्षक गिफ्ट ह्याम्पर प्राप्त गर्ने आयोजकले जनाएको छ । फस्ट रनर अपले ताज, ट्रफी, प्रमाणपत्रसहित नगद ५० हजार हजार प्राप्त गर्नेछ । सेकेन्ड रनर अपले ताज, ट्रफी, प्रमाणपत्रसहित नगद ३० हजार रुपैयाँ हात पार्नेछन् । भ्युअर्स च्वाइसका रुपमा १ जनाले २० हजार पुरस्कार प्राप्त गर्नेछन् ।

सम्बन्धित खबर