आइतबार, २८ असार २०७७
samadhannews
nepal telecome

एफ १५ क्रिकेट प्रतियोगिताकाे विजेता बन्याे राइजिङ स्टार ‘बि’

आइतबार, २७ पुष २०७६
1240 पटक पढिएको

रामशरण नेपाली
लेखनाथ

लेखनाथको भण्डारढिकमा भएको एफ १५ क्रिकेट प्रतियोगिताको उपाधि राइजिङ स्टार ‘बि’ ले हात पारेको छ । शनिबार भएको फाइनल खेलमा राइजिङ स्टार ‘ए’ लाई २९ रनले पराजित गर्दै राइजिङ स्टार ‘बि’ ले उपाधि हात पारेको हो ।

टस जितेर पहिले ब्याटिङमा उत्रिएको राइजिङ स्टार ‘बि’ ले १५ ओभर खेल्दै ८ विकेटको क्षतिमा १ सय ४ रन बनाएको थियो । १ सय ५ रनको लक्ष्य पाएको राइजिङ स्टार ‘ए’ ले १५ ओभरमा ७ विकेटको क्षतिमा मात्रै ७५ रन बनाएपछि उपविजेतामा सीमित हुनपुग्यो ।

प्रतियोगिताको उपाधिसँगै राइजिङ स्टार ‘बि’ ले नगद ६० हजार, मेडल र प्रमाणपत्र हात पारेको छ । उपविजेता टिम राइजिङ स्टार ‘ए’ ले नगद ३० हजार मेडल र प्रमाणपत्रमै चित्त बुझाएको छ ।

प्रतियोगितामा म्यान अफ द म्याच राइजिङ स्टार ‘बि’का विष्णु शर्मा भए । म्यान अफ द सिरिज र बेस्ट बलरको उपाधि सोही टिमका अमृत गुरुङले हात पारे । राइजिङ स्टार ‘बि’ कै अनील गुरुङ बेस्ट ब्याट्स म्यान घोषित भएका छन् ।

सेमिफाइनलमा बागलुङ क्रिकेट क्लबलाई हराउँदै राइजिङ स्टार ए’ र एफसिसिलाई हराउँदै राइजिङ स्टार ‘बि’ ले फाइनल यात्रा तय गरेका थिए ।

विजेता खेलाडीलाई पुरस्कार वितरण गर्दै गरिने क्लबका अध्यक्ष लक्ष्मीप्रसाद भण्डारीले खेलले युवालाई अनुशासित र जिम्मेवार बनाउने बताए । आयोजक आदर्श युवा क्लबले माघ ४ गतेदेखि प्रदेश स्तरीय क्रिकेट प्रतियोगिता सञ्चालन गर्ने अध्यक्ष भण्डारीले बताए ।

सम्बन्धित खबर