आइतबार, १६ चैत २०७६
samadhannews
nepal telecome

प्रदेश स्तरीय क्रिकेट लिग तयारी

मङ्गलबार, २८ माघ २०७६
1440 पटक पढिएको

निश्चल प्रजापती
पोखरा

पोखरा क्रिकेट एकेडेमीको आयोजनामा बुधबारदेखि पोखरा रंगशालामा गण्डकी प्रदेश स्तरीय अन्तर जिल्ला क्रिकेट लिग प्रतियोगिता हुने भएको छ । आयोजक समितिले सोमबार पोखरामा पत्रकार सम्मेलन गरी प्रतियोगिताबारे जानकारी दिएको हो ।

१ दिवसीय फर्मेटमा हुने प्रतियोगितामा कास्कीका २ टिम कास्की ए, कास्की बिसहित गण्डकी प्रदेशका नवलपुर, बागलुङ र स्याङ्जाका एक एक टिम गरी ५ टिमको सहभागिता रहने आयोजक एकेडेमी अध्यक्ष बमबहादुर कुँवरले जानकारी दिए । प्रतियोगिता नाफामूलक भन्दा पनि क्रिकेटको विकासका लागि आयोजना गरिएको उनले बताए । १० दिनसम्म चल्ने प्रतियोगितामा १० खेल हुने प्रतियोगिता संयोजक चन्द्र गुरुङ जिम्मीले जानकारी दिए । राउन्ड रोबिन लिगका आधारमा खेलाइने प्रतियोगितामा लिगका सबै खेल सकिँदा शीर्षस्थानमा रहने टिम च्याम्पियन बन्नेछ ।

गण्डकी प्रादेशिक क्रिकेट संघ तथा कास्की जिल्ला क्रिकेट संघको सहयोगमा हुने प्रतियोगितको च्याम्पियनले नगद २० हजारसहित ट्रफी प्राप्त गर्ने छ । सर्वोत्कृट खेलाडी, उत्कृष्ट ब्याट्स्म्यान, उत्कृष्ट बलर तथा हरेक खेलमा म्यान अफ द म्याचलाई ट्रफी प्रदान गरिने पत्रकार सम्मेलनमा जानकारी दिइयो ।

राष्ट्रिय खेलकुद परिषद् सदस्य राजेश गुरुङले जुनियर लेभलका खेलाडीलाई लक्षित गर्दै आयोजित यस्ता प्रतियोगिताबाट नवप्रतिभा निस्कने औंल्याए । प्रतियोगिता सफल पार्न परिषद्को तर्फबाट आर्थिक एवं भौतिक सहयोगसमेत गर्ने गुरुङले प्रतिवद्धता गरे । नेपाल खेलकुद पत्रकार मञ्च गण्डकी अध्यक्ष एकराज गिरीले क्रिकेट विकासका लागि आयोजित यस प्रतियोगितालाई सबैले सघाउनुपर्ने बताए ।

सम्बन्धित खबर