बुधबार, ०७ फागुन २०७६
samadhannews
nepal telecome

धर्म, संस्कृतिलाई समाजसेवामा जोड्नुपर्छः मन्त्री अर्याल

शुक्रबार, ०२ फागुन २०७६
580 पटक पढिएको

समाधान संवाददाता
स्याङ्जा

भूमि व्यवस्था, सहकारी तथा गरिबी निवारण मन्त्री पद्माकुमारी अर्यालले धर्म संस्कृति संरक्षण गर्नुपर्ने बताएकी छन् । आँधीखोला गाउँपालिका ५ शिवालय मन्दिर पुलकोटमा आयोजना गरिएको श्रीमद्भागवत धनधान्याञ्चल ज्ञान विराट धार्मिक महोत्सवमा बिहीबार मन्त्री अर्यालले अब परिवर्तित परिस्थितिमा धर्मसंस्कृतिलाई समाज सेवासँग जोडनुपर्नेमा जोड दिइन् ।

जनादेश प्राप्त नेकपाले सरकार बनाएको बताउँदै मन्त्री अर्यालले सुशासन, अनुशासन, इमान्दारितालाई मूल मन्त्र बनाउँदै सरकार विकासका निम्ति अघि बढिरहेको बताए ।

३ वर्षअघिको आँधीखोला र अहिलेको आँधीखोला हेर्दा पनि विकास कसरी भइरहेको छ भन्ने थाहा हुने बताउँदै उनले यही रफ्तारमा सरकार अघि बढ्ने दाबी गरिन् ।

फागन ७ गतेसम्म सञ्चालन हुने महायज्ञको उद्घाटन कार्यक्रममा गाउँपालिका अध्यक्ष सुधीरकुमार पौडेल, उपाध्यक्ष शर्मिला अर्याल, फेदीखोला गापा उपाध्यक्ष देवी थापा, नेकपाका गुणाखर सापकोटा, समाजवादीका ख्यामनारायण ढकाल लगायतले बोलेका थिए । महायज्ञमा १०८ भागवतका अभियन्ता देवनयन लामिछानेले कथावाचन गर्नेछन् ।

सम्बन्धित खबर