आइतबार, १६ चैत २०७६
samadhannews
nepal telecome

बेगनास कपको तयारी अन्तिम चरणमा

बुधबार, ०७ फागुन २०७६
1230 पटक पढिएको

समाधान संवाददाता
लेखनाथ

महाशिवरात्रिका अवसरमा बेगनास ताल किनारमा हुने दोस्रो बेगनास सेभेन ए साइड फुटबल प्रतियोगिताको तयारी अन्तिम चरणमा पुगेको छ । फागुन ९ देखि १७ गतेसम्म प्रतियोगिता सञ्चालन हुने छ । पत्रकार सम्मेलन गरी आयोजक बेगनास युवा क्लबले मंगलबार तयारी अन्तिम चरणमा पुगेको जानकारी दिएको हो ।

प्रतियोगिताका लागि फुटबल मैदान मर्मत, विभिन्न क्लबलाई पत्राचार, खेल सामग्री व्यवस्थापन लगायतका काम सकिएको र केही काममात्रै बाँकी रहेको क्लबका अध्यक्ष रामबहादुर रानाभाटले जानकारी दिए ।

युवालाई लगानी गरौं भन्ने सोचका साथ दोस्रो पटक फुटबल प्रतियोगिता गर्न लागेको प्रतियोगिता संयोजक सुवास थकालीले बताए ।

प्रतियोगिता विजेताले १ लाख ५ हजार ५ सय ५५ सहित ट्रफी, मेडल र प्रमाणपत्र प्राप्त गर्नेछ भने उपविजेताले ५५ हजार ५ सय ५५ सहित ट्रफी, मेडल र प्रमाणपत्र हात पार्नेछ । प्रतियोगितामा उत्कृष्ट खेलाडी, उच्च गोलकर्ता र उत्कृष्ट गोल रक्षकले जनही ५÷५ हजार प्राप्त गर्नेछन् । त्यस्तै अनुशासित टिमले ट्रफी र प्रमाणपत्र प्राप्त गर्नेछ ।

बेगनास ताल बाँध नजिकैको मैदानमा हुने खेलमा ३५ टिमको सहभागिता रहने अनुमान गरिएको टिम संयोजक सुरेन्द्र पुनले बताए ।

प्रतियोगितामा ७ लाख ५० हजार खर्च र ८ लाख आम्दानी हुने आयोजकको अनुमान छ । प्रतियोगिताबाट हुने बचत रकम खेल मैदान मर्मत, सरसफाइ अभियान र क्लबका विभिन्न सामाजिक कार्यक्रममा खर्च गरिने अध्यक्ष रानाभाटले बताए ।

सम्बन्धित खबर