आइतबार, १६ चैत २०७६
samadhannews
nepal telecome

बास्तोलालाई बाल यौन दुव्र्यवहारमा म्याद थप

बिहिबार, ०८ फागुन २०७६
31610 पटक पढिएको

समाधान संवाददाता
पोखरा

पोखरा ११ स्थित भाष्कर मेमोरियल स्कुलका सञ्चालक विश्वराज बास्तोलालाई बाल यौन दुव्र्यवहार मुद्दामा फेरि ७ दिनकालागि म्याद थप गरिएको छ । जिल्ला अदालत कास्कीबाट यसअधि पनि ५ दिन म्याद थप गरी मंगलबारसम्म प्रहरी हिरासतमा राखिएको थियो ।

जिल्ला अदालतबाट बुधबार फेरि ७ दिन म्याद थप गरिएको जिल्ला प्रहरी कार्यालय कास्कीका प्रवक्ता डिएसपी राजकुमार केसीले जानकारी दिए । बास्तोलालाई ७ दिन म्याद थप्दा प्रहरीलाई अनुसन्धानको बाटो खुलेको प्रवक्ता केसीको भनाइ छ ।

बास्तोलाले २ गते विहान बालिकालाई घरबाट स्कुल ल्याउने क्रममा हात समाएर शरीरको विभिन्न अंगमा छोएको भन्दै २ गते जिल्ला प्रहरी कार्यालय कास्कीमा उजुरी दिएकी थिइन् ।

२ गते बिहान घरबाट विद्यालय लैजाने क्रममा हात समाएको बालिकाले अभिभावकसँग गुनासो गरेपछि आफन्तले विद्यालय तोडफोडसमेत गदिदिएका थिए । केही समय हात समाएर पिडुँलाभन्दा माथि हात लगेर हिंसा गरेको बालिकाले प्रहरीसँग उजुरी गरेकी थिइन् । बालिकाले अभिभावक देखेपछि रुँदै बास्तोलाले गरेको दुव्र्यवहार सुनाएपछि घटना बाहिर आएको थियो । वडा प्रहरी कार्यालय रामबजारको टोलीले बास्तोलालाई नियन्त्रणमा लिएर जिल्ला प्रहरी कार्यालय कास्कीमा बुझाएको हो ।

सम्बन्धित खबर