आइतबार, १६ चैत २०७६
samadhannews
nepal telecome

उपसभामुख तत्काल नचुनिने

बिहिबार, ०८ फागुन २०७६
1120 पटक पढिएको

समाधान संवाददाता, काठमाडौं

सभामुखको गाँठो फुकाउन उपसभामुख शिवमाया तुम्बाहाङ्फेले राजीनामा दिएपछि यो पद तत्काल पूर्ति नुहने छ । तुम्बाहाङ्फे हाल कानुनमन्त्री छिन् ।

संविधानमा सभामुख र उपसभामुख फरक दलको हुनुपर्ने व्यवस्थाका कारण नेकपाले शिवमायाको राजीनामा गराएको थियो । प्रतिनिधि सभाको सभामुख र उपसभामुखमध्ये १ जना महिला र फरक फरक दलको हुनुपर्ने व्यवस्था छ । नेकपाबाहेकका दल यो पदका लागि तयार नभएकाले तत्काल चयन हुने सम्भवना नरहेको नेकपा संसदीय दलका उपनेता सुवास नेम्वाङले बताए । उपसभामुखमा राजपाको सम्भावना धेरै भए पनि नेकपाले प्याकेजमै सहमति खोजेकाले ढिलाइ भएको हो ।

प्रदेश २ को सरकार परिर्वतनदेखि उपसभामुख र सरकारमा जानेसम्मको प्रस्ताव नेकपाले राजपासमक्ष राखेको छ । राजपाले आफ्ना पुराना माग पहिला सम्बोधन हुनुपर्ने अडान राखेको छ । रेशम चौधरीको रिहाइ, थारुहटका कार्यकर्तामाथि लागेका मुद्दा फिर्ता र संविधान संशोधनका विषयमा सरकारले लिखित प्रस्ताव ल्याउनुपर्ने राजपाको माग थियो ।

सम्बन्धित खबर