सोमबार, २४ चैत २०७६
samadhannews
nepal telecome

गण्डकीका उपकरण थोरै, केन्द्रकै मुख ताक्दै प्रदेश

सोमबार, १० चैत २०७६
1370 पटक पढिएको

समाधान टिम

क्षेत्रीय अस्पतालमा उपकरण नभएका कारण प्रदेश सरकारसँग मागेर नमुना संकलन गर्नुपर्दा ढिला भइरहेको छ । ‘अस्पतालहरु आफैंले खरिद गर्नुपर्ने हो । अस्पतालमा नभएपछि प्रदेश स्वास्थ्य निर्देशनालयले नमुना संकलनमा उपकरण उपलब्ध गराउँदै आएको छ । क्षेत्रीय अस्पतालसँगै निर्देशनालय छ, त्यहीँबाट इक्युपमेन्ट उपलक्ध गराएका हौं,’ प्रदेश स्वास्थ्य निर्देशक विनोद विन्दुले भने, ‘सरकारसँग पनि उपकरण अपर्याप्त छ ।’

गण्डकी प्रदेशमा कम्तीमा २ हजार पिपिई हुनुपर्नेमा २ सयभन्दा कममा रहेको निर्देशक शर्माले बताए । प्रदेश सरकार पनि केन्द्रकै मुख ताकेर बसिरहेको शर्माले बताए । ‘सबै एकजुट भएर कोरोनोबिरुद्ध लड्नुपर्ने छ,’ डा. शर्माले भने । थप उपकरणका लागि संघीय सरकारसँग माग गर िपठाइसकिएको डा. शर्माले जानकारी दिए ।

गण्डकी प्रदेश सरकारले व्यक्तिगत सुरक्षा सामग्री ५ सय, इन्फ्रारेड थर्मोमिटर ५ सय, मास्क २० हजार थान, सेनिटाइजर र डिसिन्फेक्टेन्ट सय लिटर उपलब्ध गराइदिन संघीय सरकारलाई अनुरोध गरेको छ । प्रदेशले ११ वटै जिल्लामा कम्तीमा २ वटाका दरले २२ सेट उपकरण पठाउन लागेको डा. शर्माले जानकारी दिए । स्वास्थ्य विज्ञान प्रतिष्ठानमा आइतबारदेखि हेल्लो डक्टर सेवा पनि सुरु भएको छ । हेलो डक्टरमा ०६१ ५२४०७४ नम्बरमा फोन गरेर कोरोना संक्रमणबारे जानकारी लिन मिल्छ । टेलिकमबाट टोल फ्रि नम्बर लिने प्रक्रिया अगाडि बढाइसकिएको छ ।

शुक्रबार बसेको गण्डकी प्रदेशको मन्त्रिपरिषद बैठकले पोखराका निजी तथा सरकारी ५० शैयाभन्दा माथिका अस्पतालमा न्यूनतम ५ बेड आइसोलेसन वार्ड तत्काल स्थापना गर्ने निर्णय गरेको थियो ।

मणिपालमा चुस्त तयारी
पोखराकै मणिपाल शिक्षण अस्पतालले भने कोरोना संक्रमण फैलन नदिन चुस्त तयारी गरेको छ । अस्पतालले प्रवेशद्वारमै चिकित्सकसहितको टोलीले ज्वरो चेकजाँच गरेरमात्र प्रवेश अनुमति दिने गरेको छ । कुनै व्यक्तिमा उच्च ज्वरो देखिए त्यसपछिको उपचार प्रक्रियालाई मापदण्ड बनाई अस्पतालले नमूना परीक्षण थाल्ने भएको छ । ‘अस्पताल प्रवेश गर्ने सबैको ज्वरो नाप लिन थालिसकेका छौं,’ निर्देशक डा सूर्या चौधरीले भने, ‘हामीले १० स्कोरको मापन विधि पनि तय गरेका छौं । त्यसमा विभिन्न ७ पक्षको मूल्यांकन हुन्छ ।’

अस्पतालले ३ नम्बर भन्दामुनि रेटिङ दिएको व्यक्तिलाई घरमै आइसोलेसनमा बस्न अनुरोध गर्ने भएको छ । ३ देखि ५ मुनि रेटिङ पाएका व्यक्तिलाई अस्पतालले तुरुन्तै आइसोलेसनमा राखी नमुना परीक्षण गर्नेछ । यदि ५ भन्दामाथि रेटिङ पाउने व्यक्तिलाई कोरोना भाइरस संक्रमण पुष्टि गरी उपचार थालिहाल्ने निर्देशक डा. चौधरीले जानकारी दिए ।

अस्पतालले तत्काललाई ६ बेड क्षमताको आइसोलेसन वार्ड तयारी अवस्थामा राखेको छ । संख्या थप भएमा तत्कालै सोही भवनमा ३० बेडसम्म विस्तार गरिने डा चौधरीले जानकारी दिए । उनले भने, ‘स्वास्थ्यकर्मीका लागि आवश्यक पर्ने पिपिई भने हामीलाई केही अभाव छ । केही संख्यामा अस्पतालले नै व्यवस्थापन गरे पनि पर्याप्त छैन ।’

पश्चिमाञ्चल क्षेत्रीय अस्पतालको पार्किङ क्षेत्रसँगैको रुखमा झुन्ड्याइएको सूचना । यहाँ स्वास्थ्यकर्मी छैनन् । मणिपाल शिक्षण अस्पतालको मुख्य प्रवेशद्वारमा सेवाग्राहीको ज्वरो नाप्दै स्वास्थ्यकर्मी ।

सम्बन्धित खबर