शुक्रबार, २१ चैत २०७६
samadhannews
nepal telecome

सुनसान पोखरा, उल्लङ्घन गर्नेलाई ६ महिना कैद हुन सक्ने

मङ्गलबार, ११ चैत २०७६
39050 पटक पढिएको

समाधान सम्वाददाता

सरकारले विश्वभर महाहारीका रुपमा फैलिएको कोरोना भाइरसलाई नियन्त्रण गर्न घोषणा गरेको ‘लक डाउन’ लाई अधिकांक पोखराबासीले साथ दिएका छन् । मुख्य शहरका प्राय जसो सबै पसल बन्द छन भने सवारी साधानहरु ज्यादै कम मात्रामा चलेका छन्

अहिलेसम्म पोखरा र आसपासमा कोरोना भाइरसका संक्रमित नदेखिएको भएपनि देशको राजधानीमा दखिएपछि देशैभरी फैलन सक्ने खतथरा छ । भाइरस फैलियो भने नेपाले उपचार गर्न नसक्ने अवस्सथा भएकाले सरकारले फैलिन नदिन हरसम्भव उपाय अपनाएको छ । त्यसैको प्रतिफल लक डाउन घोषणा गरिएको हो । यो एक हप्ते लक डाउनलाई पूर्ण पालना गर्ने हो भने कोरोनालाई पराजित गर्न सक्ने विश्वास सरकारले लिएको छ ।

अधिकांश पोखरेली घर भित्रै बसे पनि केही भने अटेर गरेर सडकमा निस्किरहेका छन् । उनीहरुलाई घर भित्रै बस्न दवाव दिन कास्की प्रहरीले स्थानीय नागरिकलाई समेत आग्रह गरेको छ । कसै एक जनाको लापरवाहीले यो ब्यापक रुपमा फैलन सक्ने भएकाले खेल ठट्टा नसम्झन जिल्ल प्रहरी कार्यालय कास्कीका प्रहरी उपरिक्षक दानबहादुर कार्कीले आग्रह गरेका छन् । उनले अटेर गर्नेलाई ६ महिनासम्म कैदमा पठाउन सकिने कानुन रहेको स्मरण गराउदै त्यो अवस्था सृजना हुन नदिन अपिल गरेका छन् ।

सम्बन्धित खबर